సమంత ఒకేసారి మూడు సినిమాలు !

చైతన్యకు దూరమైన తరువాత సమంత ప్లానింగ్ ఏమిటి? ఇది కాస్త ఆసక్తికరమే. ఇప్పటికే శకుంతల సినిమాను పూర్తి చేసింది సమంత. 

ఒక కొత్త దర్శకుడితో శివలెంక కృష్ణ ప్రసాద్ నిర్మాతగా ఓ సినిమా చేయబోతున్నట్లు వార్తలు వచ్చాయి. అది నెల రోజుల కిందటి వార్త. ఇప్పుడు లేటెస్ట్ విషయం ఏమిటి?

ఇండస్ట్రీలో వినిపిస్తున్న సమచారం ప్రకారం సమంత ఒకేసారి మూడు ప్రాజెక్టులు ప్రకటించే ఆలోచనలో వున్నట్లు తెలుస్తోంది. బహుశా ఈ ప్రకటన ఈ వారంలో లేదా వచ్చే వారంలో బయటకు వచ్చే అవకాశం వుందని తెలుస్తోంది.

అయితే ఈ మూడూ తెలుగు ప్రాజెక్టులేనా? లేక ఒకటి తెలుగు, మిగిలిన రెండూ వేరే భాషల ప్రాజెక్టులా? అన్నది ఇంకా తెలియడం లేదు. 

చాలా మంది నిర్మాతల దగ్గర సమంతకు సరిపడే సబ్జెక్ట్ లు వున్నాయి. కానీ చైతూతో రిలేషన్ ఏమవుతుందో అని కాస్త ముందు వెనుక ఆడుతున్నారని తెలుస్తోంది.