ఆర్ఆర్ఆర్…రాదు కాక రాదు?

ఆర్ఆర్ఆర్ విడుదల లేటెస్ట్ డేట్ జనవరి 7. ఇది అధికారికంగా ప్రకటించిన తాజా డేట్. కానీ ఈ డేట్ మీద కూడా టాలీవుడ్ లో ఎవరికీ నమ్మకం లేదు. ఆర్ఆర్ఆర్ యూనిట్ తో సన్నిహిత్యం వున్నవారు కూడా చెబుతున్నది ఫిఫ్టీ..ఫిఫ్టీ చాన్సెస్ అని. అందుకే ఇప్పటికే 2022 సంక్రాంతికి డేట్ లు ప్రకటించిన సినిమాలు ఏవీ తమ పని ఆపలేదు. చకచకా రెడీ అవుతున్నాయి.

భీమ్లానాయక్ షూట్ నవంబర్ నెలాఖరుకు పూర్తయిపోతుంది. ఆ సినిమా తను ప్రకటించిన డేట్ ను ప్రస్తుతానికి అలాగే వుంచింది.

సర్కారువారి పాట సినిమా షూట్ రెండు సెట్ పాటలు మినహా నవంబర్ నెలాఖరుకు పూర్తయిపోతుంది. డిసెంబర్ లో ఆ రెండు పాటలు ఎప్పుడయినా చేసుకుని, జనవరి విడుదలకు రెడీగా వుండాలన్నది యూనిట్ ఆలోచన.

అసలు ఆర్ఆర్ఆర్ రాదని ఇంత ధీమాగా ఎందుకు మిగిలిన సినిమాలు వున్నాయి?  విశ్వసనీయ వర్గాల బోగట్టా ప్రకారం ఆర్ఆర్ఆర్ కు సంబంధించి ఇంకా చాలా పనులు పెండింగ్ లో వున్నాయి. సుమారు 1800 కు పైగా సిజి షాట్ లు రాజమౌళి పరిశీలించి ఓకె చేయాల్సి వుంది. ఇవన్నీ ఆయన ఓకె చేస్తేనే సిజి వర్క్ తీసుకున్న కంపెనీలు ఫినిషింగ్ వర్క్ పూర్తి చేస్తాయి. 

ఇది కాక ఇప్పటి వరకు ఆర్ఆర్ఆర్ లెంగ్త్ అన్నది ఇంకా ఫైనల్ కాలేదు. అంటే ఫస్ట్ కట్ అన్నది ఇంకా జరగలేదని బోగట్టా. గట్టిగా 90 రొజులు సమయం వుంది. ఈ 90 రొజుల్లోనే ఈ సిజి షాట్స్ 1800 ఒకె కావడం, అవన్నీ ఫినిష్ కావడం, ఫైనల్ ఎడిట్ జరగాల్సి వుంది. ఆపైన మిగిలిన పనులు. 

అందుకే ఆర్ఆర్ఆర్ జనవరి 7 కు రాదని టాలీవుడ్ జనాలు ధీమాగా వున్నారు. ఏదో ఆబ్లిగేషన్ తో ఆర్ఆర్ఆర్ డేట్ లు వేసుకుంటూ వస్తోంది తప్ప, అది వచ్చేది మార్చి 2022 కే టాలీవుడ్ జనాలు నమ్మకంగా చెబుతున్నారు. మరి ఏం జరుగుతుందో చూడాలి.