Epaper
కమల్ హాసన్ నటన గురించి ప్రత్యేకంగా చెప్పుకోవాల్సిన అవసరం లేదు. ఆయన విశ్వరూపం ఏంటనేది అందరికీ తెలుసు. నటనలోనే కాదు, గెటప్స్ లో కూడా కమల్ కు ఎవ్వరూ సాటిరారు. మరి రామ్ చరణ్ పరిస్థితేంటి? కమల్ ను మరిపించగలడా?
ఇప్పుడీ కంపారిజన్ ఎందుకుంటే.. శంకర్ తో చేయబోయే సినిమాకు సంబంధించి రామ్ చరణ్ పాత్రపై ఆసక్తికర చర్చ ఒకటి మొదలైంది. ఇలా చర్చ మొదలైన వెంటనే అలా కమల్ హాసన్ తో పోలిక వచ్చింది.
ఇంతకీ మేటర్ ఏంటంటే.. చరణ్ తో శంకర్ చేయబోయే సినిమాలో మరో కీలక పాత్ర ఉంది. ఆ పాత్రను పవన్ కల్యాణ్ లేదా చిరంజీవి పోషిస్తారంటూ ఇప్పటికే కథనాలు కూడా వచ్చేశాయి. అయితే 50 ఏళ్ల వయసున్న ఆ క్యారెక్టర్ ను చరణ్ తోనే చేయిస్తే ఎలా ఉంటుందనే చిలిపి ఆలోచన శంకర్ కు వచ్చింది.
గతంలో తన సినిమాలతో శంకర్ ఇలాంటి ప్రయోగాలు చాలా చేశాడు. భారతీయుడులో కమల్ హాసన్, అపరిచితుడిలో విక్రమ్, రోబోలో రజనీకాంత్ ను డిఫరెంట్ గెటప్స్ లో చూపించాడు. ఇంకా చెప్పాలంటే ఆ హీరోల్లానే శంకర్ కు కూడా కాస్త గెటప్పులు, మేకప్పుల పిచ్చి ఉంది.
తన సినిమాల్లో హీరోల్ని డిఫరెంట్ గెటప్స్, మేకప్స్ లో చూపించడానికి శంకర్ ఇష్టపడతాడు. ఈ పిచ్చితోనే రామ్ చరణ్ ను కూడా డ్యూయల్ రోల్ లో చూపిస్తే ఎలా ఉంటుందా అని ఆలోచిస్తున్నాడట. అయితే కమల్ హాసన్, విక్రమ్ లాంటి హీరోలు మెప్పించిన రేంజ్ లో, చరణ్ మెప్పించగలడా అనేది అందరి అనుమానం.