Epaper
ముందుగా సినిమా ఎనౌన్స్ చేస్తారు, ఆ తర్వాత కొబ్బరికాయ కొడతారు, ఆ తర్వాత సెట్స్ పైకి వెళ్తారు. ఇది రెగ్యులర్ గా జరిగే ప్రాసెస్. కానీ శర్వానంద్ సినిమా విషయంలో మాత్రం ఇది కాస్త రివర్స్ అయింది. ముందు కొబ్బరికాయ కొట్టి షూటింగ్ మొదలుపెట్టారు. దాదాపు ఓ షెడ్యూల్ కూడా ముగిసింది. ఇప్పుడు సినిమాను అధికారికంగా ప్రకటించారు.
శ్రీరామ్ ఆదిత్య దర్శకత్వంలో సినిమా చేస్తున్నాడు శర్వానంద్. ఈ మూవీ షూటింగ్ ప్రస్తుతం నడుస్తోంది. ఇప్పుడు అధికారికంగా ప్రకటించారు.
పీపుల్ మీడియా బ్యానర్ పై టీజీ విశ్వప్రసాద్ నిర్మాతగా ఈ సినిమా తెరకెక్కుతోంది. కెరీర్ లో శర్వానంద్ కు ఇది 35వ సినిమా. ఇన్నాళ్లూ కాస్త బొద్దుగా కనిపించిన ఈ హీరో, ఈ సినిమా కోసం బాగా బరువు తగ్గాడు. పనిలోపనిగా మేకోవర్ అయ్యాడు.
శర్వానంద్ స్లిమ్ లుక్ తో దాదాపు ఫస్ట్ లుక్ లాంటిది రిలీజ్ చేశారు. లైట్ గా గడ్డంతో, స్టయిలిష్ దుస్తుల్లో కలర్ ఫుల్ గా కనిపిస్తున్నాడు శర్వా. అతడి లుక్ చూస్తుంటే ధనవంతుల బిడ్డగా కనిపిస్తున్నాడు. అబ్దుల్ వాహబ్ ఈ సినిమాకు సంగీతం అందిస్తున్నాడు.
ఈ మూవీలో హీరోయిన్ ఎవరనేది ఇంకా వెల్లడించలేదు. తాజా సమాచారం ప్రకారం, సాయిపల్లవిని హీరోయిన్ గా తీసుకునేందుకు ప్రయత్నిస్తున్నారు. తనకున్న పరిచయంతో స్వయంగా శర్వానంద్, సాయిపల్లవి కోసం ప్రయత్నిస్తున్నాడట.