Epaper
వైవిధ్య‌మైన క‌థ‌లు ఎంచుకోవడంలో హీరో సుధీర్ బాబు తన ప్రత్యేకతను ఎప్పటికప్పుడు చాటుకుంటూ వస్తున్నారు. ప్రేమకథాచిత్రమ్ అప్పట్లో ట్రెండ్ సెట్టర్ అయింది. భలేమంచిరోజు తరువాత ఆ తరహా సినిమాలు ఎక్కువయ్యాయి. స‌మ్మోహనం చిత్రంతో లైట్ హ్యూమర్ లవ్ స్టోరీ చేసారు.
ప్ర‌స్తుతం ఆయ‌న చేస్తున్న చిత్రం శ్రీదేవి సోడా సెంటర్.. ఈ టైటిల్ నే పూర్తి వైవిధ్యంగా వుంది. ఇప్పటి వరకు ఈ సినిమా నుంచి చాలా పబ్లిసిటీ మెటీరియల్ వచ్చింది కానీ హీరోయిన్ గురించి ఎక్కువ చెప్పలేదు.
ఈ నేప‌థ్యంలోనే శ్రీదేవిసోడాసెంట‌ర్ లో సుదీర్ బాబుకి జోడిగా తెలుగ‌మ్మాయి ఆనంది న‌టిస్తుంద‌నే విష‌యాన్ని యూనిట్ ప్రకటించింది. సోడాల శ్రీదేవి పాత్ర‌కి సంబంధించిన వీడియో గ్లిమ్స్ విడుద‌ల చేశారు ద‌ర్శ‌క‌నిర్మాత‌లు.
తెలుగుతో పాటు త‌మిళంలో కూడా మంచి హీరోయిన్ గా రాణిస్తున్న ఆనంది మ‌రో వైవిధ్య‌మైన పాత్రతో శ్రీదేవిసోడా సెంటర్ ద్వారా ప్రేక్ష‌కుల ముందుకి వస్తోందని ఆ విధంగా వెల్లడించారు.
పలాస వంటి డిఫరెంట్ నేటివ్ మూవీతో అందరి దృష్టిలో పడిన డైరక్టర్ కరుణ్ కుమార్ ఈ సినిమాకు పని చేస్తున్నారు. 70 ఎమ్ ఎమ్ ఎంట‌ర్ టైన్మెంట్స్ సంస్థ నిర్మించే ఈ సినిమాకు సంగీతం మణిశర్మ. విజ‌య్ చిల్లా, శ‌శి దేవిరెడ్డిలు సంయుక్తంగా నిర్మిస్తున్నారు. ఈ సినిమా ఫస్ట్ కాపీ రైట్స్ ను సింగిల్ బయ్యర్ కు విక్రయించేయడం విశేషం.