సోలో బతుకు బ్రేకప్ సాంగ్

ఈ మధ్య టాలీవుడ్ లో కొత్త ట్రెండ్ ఒకటి వచ్చింది. హీరో బ్రేకప్ సాంగ్. అయితే అదేమీ పూర్వంలో మాదిరిగా విరహగీతాల్లా, మాంటేజ్ సాంగ్ ల మాదిరిగా వుండవు. మాంచి మాస్ నెంబర్లుగా క్యాచీగా వుంటాయి.

నితిన్, రామ్ దగ్గర నుంచి రాజ్ తరుణ్ వరకు ఈ లైన్ ను ట్రయ్ చేస్తున్నారు. లేటెస్ట్ గా హీరో సాయి ధరమ్ తేజ్ కూడా ఈ లైన్ ట్రయ్ చేసాడు. సోలో బతుకే సో బెటరు సినిమాలో 'వగ్గేసి పోకే అమృత..నన్ను ఒగ్గేసి పోకే అమృత' అంటూ మాంచి డ్యాన్స్ నెంబర్ ను చేసాడు.

వైజాగ్ బీచ్ రోడ్ లో యంగ్ టీమ్ తో ఈ పాటను పిక్చరైజ్ చేసారు. క్యాసర్ల శ్యామ్ రాసిన క్రేజీ లిరిక్స్ కు థమన్ మాంచి ఫుట్ ట్యాపింగ్ ట్యూన్ అందించారు. ఇప్పటికే సోలో బతుకు నుంచి వచ్చిన పాటలు అన్నీ బాగానే పాపులర్ అయ్యాయి. ప్రస్తుతం ఫామ్ లో వున్న థమన్ ఈ సినిమా తో కూడా దాన్ని నిలబెట్టుకుంటున్నట్లే కనిపిస్తోంది.

కరోనా నేపథ్యంలో సోలో బతుకే సో బెటరు సినిమా నేరుగా ఓటిటిలోకి వెళ్లే అవకాశాలు ఎక్కువ వున్నాయి.  జీఫ్లెక్స్, జీటీవీ, జీఫైవ్ ల్లో ఈ సినిమా విడుదలవుతుందని తెలుస్తోంది. కొత్త దర్శకుడు సుబ్బు ఈ సినిమాకు పని చేస్తున్నారు.