Epaper
చాలామంది హీరోలు ద్విపాత్రాభినయం చేశారు. కానీ ట్రిపుల్ రోల్స్ చేసిన హీరోలు చాలా తక్కువ మంది. ఇప్పుడీ లిస్ట్ లోకి మరో హీరో కూడా చేరబోతున్నాడు. అతడే శ్రీవిష్ణు. తను త్వరలోనే త్రిపాత్రాభినయం చేయబోతున్నట్టు ఈ హీరో ప్రకటించాడు.
రాజరాజచోర లాంటి క్లీన్ హిట్ అందించిన హసిత్ గోలి, శ్రీవిష్ణు కాంబినేషన్ లో మరో సినిమా రాబోతోంది. ఈ సినినిమాలోనే శ్రీవిష్ణు త్రిపాత్రాభినయం చేయబోతున్నాడు. రాజరాజచోరలో చోరుడిగా, ఫ్యామిలీమేన్ గా రెండు డిఫరెంట్ షేడ్స్ లో కనిపించాడు శ్రీవిష్ణు. కొత్త సినిమాలో మాత్రం షేడ్స్ కావంట, ఏకంగా 3 కొత్త పాత్రలే ఉంటాయని చెబుతున్నాడు.
మరోవైపు ఈ సినిమా శ్రీవిష్ణు కెరీర్ లోనే భారీ బడ్జెట్ మూవీగా నిలవనుంది. మైత్రీ మూవీ మేకర్స్ నిర్మాతలు ఈ ప్రాజెక్టును తెరకెక్కించబోతున్నారు. ఈ మేరకు ఇప్పటికే హీరో, దర్శకుడితో అగ్రిమెంట్లు పూర్తిచేసింది సదరు ప్రొడక్షన్ హౌజ్.
భళాతందనాన సినిమాను ఈరోజు విడుదల చేసిన శ్రీవిష్ణు.. త్వరలోనే అల్లూరి అనే సినిమాను కూడా పూర్తిచేయబోతున్నాడు. ఆ ప్రాజెక్టు పూర్తయిన తర్వాత మైత్రీ మూవీ మేకర్స్ బ్యానర్ పై చేయాల్సిన సినిమా వివరాలు మరిన్ని బయటకొస్తాయి. అన్నట్టు ఈ సినిమాలో శ్రీవిష్ణు సరసన ఓ స్టార్ హీరోయిన్ నటిస్తుందట. ఇప్పటివరకు స్టార్ హీరోయిన్ తో శ్రీవిష్ణు సినిమా చేయలేదు మరి.