శ్రీలీల కు మరో సినిమా

పెళ్లి సందడి సినిమాతో సర్రున కుర్ర హృదయాల్లోకి దూసుకుపోయింది కొత్త హీరోయిన్ శ్రీలీల. ఆ సినిమా విడుదల కాకుండానే మాస్ మహరాజా రవితేజ సరసన ఓ సినిమా కు ఫిక్స్ అయిపోయింది.

ఇప్పుడు మరో సినిమా చేతిలోకి వచ్చేసింది. దిల్ రాజు సోదరుడి కుమారుడు ఆశిష్ రెడ్డి చేయబోయే రెండో సినిమా కు శ్రీలీల ను హీరోయిన్ గా తీసుకుంటున్నారు.

ఈ సినిమాను దిల్ రాజు బ్యానర్ మీద చేస్తారా? ఆయన స్నేహితుల బ్యానర్ ను వాడతారా అన్నది ఇంకా తెలియదు. తొలిసినిమాకు దేవీ శ్రీ ప్రసాద్ అడియో ఇచ్చారు. కానీ అది జస్ట్ ఓకె అన్నట్లు టాక్ వచ్చింది. అందుకే ఈసారి మిక్కీ జే మేయర్ ను తీసుకున్నారు.

దిల్ రాజుకు పని చేసిన దాదాపు అన్ని సినిమాలకు మిక్కీ మంచి ఆల్బమ్ ఇచ్చారు. అలాగే పెళ్లి సందడికి అన్నీ మంచి పాటలు రాసిన చంద్రబోస్ ను రైటర్ గా తీసుకున్నారు.

డైరక్టర్ ఎవరు…బ్యానర్ అన్న వివరాలు ఇంకా తెలియాల్సి వుంది. ఇది కాక మూడొ సినిమా కూడా ప్లాన్ చేస్తున్నారు. దానికి జై పాతాళ భైరవి లాంటి టైటిల్ ను అనుకుంటున్నారని తెలుస్తోంది. దానికి కొత్త దర్శకుడు పని చేస్తారు.