Advertisement

Advertisement


Home > Movies - Movie News

స్టార్ హీరోస్. 60 ప్లస్.. స్టిల్ ఫిట్ గా!

స్టార్ హీరోస్. 60 ప్లస్.. స్టిల్ ఫిట్ గా!

'వాళ్లు ఇంకా కుర్ర హీరోయిన్ల  పక్కన చిందులేస్తూ ఉన్నారు..' అనేది స్టార్ హీరోల విషయంలో ఒక  కంప్లైంట్ లాంటి విమర్శ! అయితే అదే విషయాన్నే మరో కోణం నుంచి చూస్తే.. ‘అరవై యేళ్లు దాటినా వాళ్లి ఇంకా కుర్ర అమ్మాయిల పక్కన జోడీలా కనిపించగలుగుతున్నారు.. డెబ్బై  యేళ్లకు దగ్గరబడ్డా ఇంకా తెరపై హీరోలుగా చలామణి కాగలుగుతున్నారు!

దక్షిణాది స్టార్ హీరోల విషయంలో ఈ రెండు రకాల ధోరణిలోనూ ఆలోచించవచ్చు. తమ మనవరాళ్ల కన్నా కాస్త  పెద్ద వాళ్లైన  అమ్మాయిలతో ఈ హీరోలు చిందులేస్తూ ఉండవచ్చు గాక, అయితే ఆ ఏజ్ కు రీచ్ అయినా ఇంకా తెరపై కుర్రాళ్లుగానే ప్రేక్షకులను భ్రమింపజేస్తూ ఉన్నారంటే.. అది ఆ హీరోల గొప్పదనమే. వాళ్లు స్టార్ లు కావడం స్వయం కృషి, వ్యక్తిగత ప్రతిభ.. అయితే దశాబ్దాలకు దశాబ్దాలు గడిచిపోతున్నా.. ఇంకా వెండితెర మీద మాత్రం వారి వయసు పెరగడం లేదంటే..అందుకు వారు బాడీ ఫిట్ నెస్ ను కాపాడుకోవడం ఒక కారణం అయితే, మిగతాది మేకప్ గొప్పదనం.

అలాంటి కారణాలను ఎన్ని చెప్పినా.. డెబ్బైకి దగ్గర బడ్డ వయసులో కూడా ఇంకా తెర  మీద యాంగ్రీ యంగ్ మ్యాన్స్ గా రాణించడం అంటే మాత్రం మాటలు కాదు. దశాబ్దాలుగా సౌత్ లో స్టార్ హీరోలుగా చలామణి అవుతూ..ఇప్పటికీ అదే హోదాలో కొనసాగుతున్న వారి వయసులను ఒకసారి గమనిస్తే ఆశ్చర్యం కలగకమానదు.

హీరోలుగా రజనీకాంత్, కమల్ హాసన్, చిరంజీవి.. ముగ్గురూ దాదాపు ఒకే సమయంలో కెరీర్ ఆరంభించారు. ముగ్గురూ ఒకే టైప్ హీరోయిజంతో ఇప్పటికీ కొనసాగగలుగుతూ ఉన్నారు. వయసు ప్రకారం చూసుకుంటే.. వీరు ముగ్గురూ ఒకే ఎనర్జీని కనబరుస్తున్నట్టే.

'మన్మథుడు 2' గా కనిపించిన నాగార్జున వయసు అరవై, 'వెంకీ మామ'గా కనిపిస్తున్న వెంకటేష్ ఏజ్ 58, యాభై తొమ్మిదేళ్ల బాలకృష్ణ తన తదుపరి సినిమా స్టిల్స్ లో కొత్త గెటప్స్ లో కనిపిస్తూ ఉన్నారు.  వీళ్లు అరవైకి రీచ్ అయిన వాళ్లు, త్వరలోనే అరవైకి రీచ్ కాబోతున్న వాళ్లు.

ఒకవైపు జనాల ఆలోచన ధోరణిలో మార్పు వచ్చింది, అసహనాన్ని జనాలు యాక్సెప్ట్ చేసే పరిస్థితి లేదు సినిమాల విషయంలో. అయినా అరవై దాటిన, దాటుతున్న వాళ్లు ఇంకా తెరపై మెస్మరైజ్ చేస్తున్నారంటే.. నిస్సందేహంగా చాలా గొప్ప విషయం ఇది. మరి కొన్నేళ్లు కూడా వీరు తెరను ఏలడం కూడా ఖాయమే!  

అందరూ ఒక వైపు.. ఆ ఒక్కడూ మరో వైపు

రాజకీయ జూదంలో ఓడితే బతుకేంటి?