మాటీవీ చెంతకు చేరిన ఆ 2 ప్రేమకథలు

లాక్ డౌన్ టైమ్ లో కూడా స్టార్ మా ఛానెల్ జోరు తగ్గలేదు. ఒకేసారి రెండు సినిమాల్ని తన ఖాతాలో వేసుకుంది. వీటిలో అఖిల్ నటిస్తున్న మోస్ట్ ఎలిజిబుల్ బ్యాచిలర్ ఒకటి కాగా..నాగచైతన్య చేస్తున్న లవ్ స్టోరీ మరొకటి. ఈ రెండు లవ్ స్టోరీస్ ఇప్పుడు స్టార్ మా గూటికి చేరాయి.

మోస్ట్ ఎలిజిబుల్ బ్యాచిలర్ సినిమాపై భారీ అంచనాల్లేకపోయినా ఓ మంచి ఫీల్ అయితే ఉంది. అఖిల్ వరుసగా ఫ్లాపుల్లో ఉన్నప్పటికీ.. పూజాహెగ్డే ఉండడం, గీతాఆర్ట్స్-2 లాంటి బ్యానర్ యాడ్ అవ్వడంతో సినిమాపై అంచనాలు పెరిగాయి. దీనికితోడు లాంగ్ గ్యాప్ తర్వాత బొమ్మరిల్లు భాస్కర్ కు దక్కిన అవకాశం కావడంతో.. అతడు దీన్ని సద్వినియోగం చేసుకుంటున్నాడనే ఇన్ సైడ్ టాక్ నడుస్తోంది. ఈ నేపథ్యంలో ఈ సినిమా శాటిలైట్ రైట్స్ ను స్టార్ మా దక్కించుకుంది.

అటు నాగచైతన్య-సాయిపల్లవి హీరోహీరోయిన్లుగా నటిస్తున్న లవ్ స్టోరీ సినిమాపై భారీ అంచనాలున్నాయి. ఫిదా తర్వాత శేఖర్ కమ్ముల చేస్తున్న సినిమా అవ్వడంతో పాటు..చైతూ-సాయిపల్లవి జంటకు మంచి క్రేజ్ రావడం ఈ సినిమాను హాట్ కేక్ గా మార్చింది. ఈ సినిమాను కూడా స్టార్ మా ఛానెల్ దక్కించుకుంది.

ఇలా టాలీవుడ్ లో హాట్ టాపిక్స్ గా ఉన్న ఈ 2 లవ్ స్టోరీస్.. స్టార్ మా ఛానెల్ కు దక్కాయి. అయితే లాక్ డౌన్ కారణంగా ఈ 2 సినిమాలు ఎప్పుడు థియేటర్లలోకి వస్తాయనేది ఇప్పుడే చెప్పలేం. లవ్ స్టోరీ సినిమాకు కేవలం 15 రోజుల షూటింగ్ పెండింగ్ లో ఉండగా.. మోస్ట్ ఎలిజిబుల్ బ్యాచిలర్ మూవీకి ఫైనల్ షెడ్యూల్ ఒకటి పెండింగ్ లో ఉంది.

త‌ప్పంతా నాదే…రోజా నాకు అక్క లాంటిది

నా దేవుడ్ని చూస్తే మాటలు రావు