Epaper
పవన్ సినిమాలకు సంబంధించి ఒక అప్ డేట్ రావడమే గొప్ప విషయం. అలాంటిది ఈసారి ఏకంగా ఒకేసారి 2 అప్ డేట్స్ రాబోతున్నాయి. పవన్ పుట్టినరోజు సందర్భంగా అతడు నటిస్తున్న రెండు సినిమాల నుంచి రెండు సర్ ప్రైజెస్ ప్లాన్ చేశారు.
దిల్ రాజు బ్యానర్ పై వేణు శ్రీరామ్ దర్శకత్వంలో వకీల్ సాబ్ సినిమా చేస్తున్నాడు పవన్. ఈ సినిమాకు సంబంధించి ఇప్పటికే ఫస్ట్ లుక్ రిలీజైంది. సాంగ్ కూడా వచ్చింది. ఇప్పుడీ మూవీకి సంబంధించి టీజర్ రెడీ అవుతోంది. పవన్ బర్త్ డేకు ఒక రోజు ముందు వకీల్ సాబ్ టీజర్ రిలీజ్ చేయబోతున్నారు.
ఇక క్రిష్ దర్శకత్వంలో పవన్ చేస్తున్న సినిమాకు సంబంధించి కూడా అప్ డేట్ రాబోతోంది. ఈ సినిమాకు ఇంకా టైటిల్ ఫిక్స్ చేయలేదు. ప్రారంభంలో “విరూపాక్షి” అనే టైటిల్ ప్రచారంలోకి వచ్చినప్పటికీ.. ఇప్పుడు దానికి ఆల్టర్నేట్ చూస్తున్నారు. “బందిపోటు” అనే టైటిల్ ఎక్కువగా వినిపిస్తోంది కానీ దీంతో పాటు “మంచిదొంగ”, “చోర” లాంటి పేర్లు కూడా వినిపిస్తున్నాయి.
వీటిలో ఏదో ఒక పేరును టైటిల్ గా పవన్ పుట్టినరోజు నాడు విడుదల చేసే ఛాన్స్ ఉంది. “వకీల్ సాబ్” పూర్తయిన వెంటనే పూర్తిగా క్రిష్ మూవీపై దృష్టిపెట్టబోతున్నాడు పవన్. ఈ సినిమాలో హీరోయిన్ ను ఇంకా ఫిక్స్ చేయలేదు. ఓ కీలక పాత్ర కోసం జాక్వెలిన్ ఫెర్నాండెజ్ ను తీసుకున్నారు. అర్జున్ రాంపాల్ విలన్ గా కనిపించబోతున్నాడు.