Epaper
ఇప్పటికీ కీర్తిసురేష్ నటించిన సినిమా ఒకటి నేరుగా ఓటీటీలో రిలీజైంది. మరో సినిమా కూడా రిలీజ్ కు రెడీగా ఉంది. అటు సూర్య, నాని లాంటి హీరోల సినిమాలు కూడా డైరక్ట్ ఓటీటీ రిలీజ్ కు రెడీ అవుతున్నాయి. ఈ క్రమంలో ఇప్పుడు త్రిష సినిమా కూడా ఒకటి నేరుగా రిలీజ్ అవ్వబోతోంది. అయితే ఇది ఫ్రెష్ మూవీ కాదు.
తమిళ్ లో అరవింద్ స్వామి, త్రిష హీరోహీరోయిన్లుగా ఓ సినిమా చేశారు. సతురంగ వెట్టై 2 అనే టైటిల్ తో తెరకెక్కిన ఈ సినిమా పలు కారణాల వల్ల రిలీజ్ ఆగిపోయింది. ఓ దశలో హీరో అరవింద్ స్వామి ఈ సినిమా రిలీజ్ ను అడ్డుకున్నాడనే ప్రచారం కూడా జరిగింది. అలా దాదాపు మూడేళ్లుగా రిలీజ్ అవ్వని ఈ సినిమా ఎట్టకేలకు ఓటీటీలో నేరుగా రిలీజ్ అవ్వబోతోంది.
ఓటీటీ ప్రైమ్ వీడియోస్ సంస్థ ఈ సినిమా డిజిటల్ రైట్స్ ను దక్కించుకుంది. త్వరలోనే ఈ సినిమా విడుదల తేదీని ప్రకటించబోతోంది. ఈ మూవీతో పాటు త్రిష లీడ్ రోల్ పోషిస్తున్న మరో తమిళ సినిమా కూడా డైరక్ట్ ఓటీటీ రిలీజ్ బాటలోనే ఉంది. తాజా సినిమాకు సంబంధించి కోలీవుడ్ లో త్రిష ఫ్యాన్స్ ఆల్రెడీ ప్రచారం కూడా స్టార్ట్ చేశారు.