వెంకట్ ప్రభు-చైతూ ఫిక్స్

గత కొన్నాళ్లుగా వార్తల్లో వుంటూ వస్తున్న కాంబినేషన్ ఫిక్స్ అయిపోయింది. వెంకట్ ప్రభు డైరక్షన్ లో నాగ్ చైతన్య మూవీ అధికారికంగా అనౌన్స్ మెంట్ మాత్రమే బాకీ. 

ఇళయరాజా సోదరుడు సంగీత దర్శకుడు గంగై అమరన్ కుమారుడు వెంకట్ ప్రభు పేరు తొలిసారిగా సరోజ సినిమాతో జనాలకు పరిచయం అయింది. ఆ తరువాత చాలా సినిమాలు ట్రయ్ చేసాడు కానీ ఆశించినంత పేరు రాలేదు. డిఫరెంట్ మూవీస్ చేస్తాడని మాత్రం బ్రాండింగ్ వచ్చింది.

అందుకే మనవాళ్ల దృష్టి అతగాడి మీద పడలేదు. మానాడు సినిమా కథను మన హీరోలకు చాలా మందికి చెప్పాడు కానీ ఓకె అనలేదు. ఆ సినిమా తమిళంలో హిట్ కావడంతో ఇప్పుడు మనవాళ్ల దృష్టి అటు మళ్లింది. నాగ్ చైతన్య కాంబినేషన్ లో సినిమా పిక్స్ అయింది.

గతంలో సమంత తో యూ టర్న్ సినిమా నిర్మించి, ప్రస్తుతం రామ్ తో సినిమా చేస్తున్న చిట్టూరి శ్రీను ఈ సినిమాను నిర్మిస్తారు.