Epaper
ఓవర్సీస్ లో విరూపాక్ష విజృంభన కొనసాగుతోంది. రిలీజైన మొదటి రోజే హిట్ టాక్ తెచ్చుకున్న ఈ సినిమా, తాజాగా అక్కడ మిలియన్ డాలర్ క్లబ్ లోకి చేరింది. ఇక్కడే ఓ విశేషం ఉంది.
కెరీర్ లో ఇప్పటివరకు చాలా సినిమాలు చేశాడు సాయితేజ్. కానీ అతడు నటించిన సినిమాలేవీ మిలియన్ డాలర్ల క్లబ్ లోకి ఎంటరవ్వలేదు. తొలిసారి విరూపాక్షతో ఆ ఘనత అందుకున్నాడు ఈ మెగా హీరో. మరీ ముఖ్యంగా విడుదలైన మొదటి వారంలోనే ఈ సినిమా మిలియన్ డాలర్ క్లబ్ లోకి చేరింది.
ఈ సినిమాతో ఇప్పటికే సేఫ్ జోన్ లోకి వెళ్లిపోయారు ఓవర్సీస్ డిస్ట్రిబ్యూటర్లు. రెండో వారం కూడా ఆడితే వాళ్లకు పండగే. పెట్టిన పెట్టుబడికి రెట్టింపు వస్తుంది. కానీ విరూపాక్షకు పోటీ సిద్ధంగా ఉంది.
ఈ వీకెండ్ పొన్నియన్ సెల్వన్-2, ఏజెంట్ సినిమాలు రిలీజ్ అవుతున్నాయి. ఓవర్సీస్ తెలుగు ఆడియన్స్ లిస్ట్ లో పొన్నియన్ సెల్వన్-2 లేదు. అయితే ఏజెంట్ మాత్రం ఓవర్సీస్ ను బాగానే ఎట్రాక్ట్ చేస్తోంది. ఈ సినిమా క్లిక్ అయితే, విరూపాక్షకు వసూళ్లు తగ్గుతాయి.
సెకండ్ వీక్ సంగతి పక్కనపెడితే, ఓవర్సీస్ లో తను సాధించాలనుకున్నది సాధించేశాడు సాయిధరమ్ తేజ్. కార్తీక్ దండు దర్శకత్వంలో తెరకెక్కిన విరూపాక్ష సినిమాలో సంయుక్త మీనన్ హీరోయిన్ గా నటించింది.