సినిమా రిలీజ్ కు ముందు ఇలాంటివి తప్పవా?

ప్రస్తుతం సినిమా ప్రమోషన్స్ 2 రకాలు. ఒకటి తమ సినిమా ఎలా ఉండబోతోందో చెప్పడం, రెండోది వివాదాస్పద వ్యాఖ్యలతో సంచలనం సృష్టించడం. విశ్వక్ సేన్ మాత్రం ఎప్పుడూ రెండో ఆప్షన్ కే మొగ్గుచూపుతాడు.

సరిగ్గా తన సినిమా విడుదలకు ముందు ఏదో ఒక ప్రకటన చేస్తూ నలుగురి దృష్టిలో పడే ప్రయత్నం చేస్తాడు ఈ హీరో. ఈసారి కూడా అదే పని చేశాడు. ‘మెకానిక్ రాకీ’ టీజర్ రిలీజ్ సందర్భంగా విశ్వక్ చేసిన కామెంట్స్ వైరల్ అవుతున్నాయి. వాటిపై సోషల్ మీడియాలో భిన్నాభిప్రాయాలు వ్యక్తం అవుతున్నాయి.

సినిమాపై నమ్మకంతో చాలామంది చాలా స్టేట్ మెంట్స్ ఇస్తుంటారు. ‘మెకానిక్ రాకీ’ పై విశ్వక్ కూడా అలాంటి మాటలే మాట్లాడాడు. సినిమాకు విడుదలకు ముందురోజే పెయిడ్ ప్రీమియర్స్ ఉంటాయని, మూవీ బాగాలేదనే టాక్ వస్తే, మరుసటి రోజు ఎవ్వరూ థియేటర్లకు రావొద్దనేది విశ్వక్ స్టేట్ మెంట్.

గతంలో వచ్చిన ‘గ్యాంగ్స్ ఆఫ్ గోదావరి’ సినిమా విషయంలో కూడా ఇలానే కొన్ని ఓవర్ స్టేట్ మెంట్స్ ఇచ్చాడు విశ్వక్. ఆ సినిమాకు తన బెంచ్ మార్క్ మూవీగా చెప్పుకొచ్చాడు. కట్ చేస్తే, అది ఫ్లాప్ అయింది. ఇప్పుడు ‘మెకానిక్ రాకీ’ పై కూడా అతిగా స్పందిస్తున్నాడు.

ఇదొక ఎత్తయితే.. ఈ సినిమా బజ్ పై కూడా వింతగా స్పందించాడు. “సినిమాకు బజ్ లేదని ఎవడైనా అంటే వాడికి గట్టిగా బజ్ ఇద్దాం” అన్నాడు. చివరికి ‘గామి’ లాంటి ప్రయోగాత్మక చిత్రం రిలీజైనప్పుడు కూడా విశ్వక్ సేన్ మాటలు ఇలానే ఉన్నాయి.

ఇదే నా స్టయిల్ అంటున్నాడు విశ్వక్ సేన్. కానీ సోషల్ మీడియాలో మాత్రం అతడిపై ఓ సెక్షన్ ట్రోల్ చేస్తూనే ఉంది.