సజ్జల మీద సర్రుమంటున్నారు?

రాజకీయాల్లో విమర్శలు ప్రతి విమర్శలు మామూలే. అదే సమయంలో స్థాయిలు రేంజిలూ కూడా కొలుచుకుని మరీ సవాల్ చేయడం రివాజుగా మారుతోంది. మ్యాటర్ ఉంటే ఎవరికైనా ఆన్సర్ చెప్పవచ్చు. వారు చెప్పేది వినవచ్చు.

ఇదిలా ఉంటే జగన్ మీద కోపం ఒక్కసారిగా ప్రభుత్వ సలహాదారు సజ్జల రామక్రిష్ణారెడ్డి మీదకు తమ్ముళ్ళు మళ్ళిస్తున్నారు. అసలు ఎవరీ సజ్జల, ఆయనకు ఉన్న స్థాయి ఏంటి, చంద్రబాబుని అనదగ్గ సీన్ ఉందా అంటూ ఏకంగా ఏపీ టీడీపీ ప్రెసిడెంట్ అచ్చెన్నాయుడు గుర్రుమంటున్నారు.

ప్రభుత్వ విషయాలను వకాల్తా పుచ్చుకుని చెప్పడానికి ఆయనెవరు అంటూ కస్సుమంటున్నారు. కానీ సజ్జల ప్రభుత్వ సలహాదారు. అదే సమయంలో పార్టీలోనూ కీలకంగా ఉన్నారు. చంద్రబాబుకు కౌంటర్ ఇవ్వడానికి అవి సరిపోవా అన్నది వైసీపీ మాటగా ఉంది.

అయితే సజ్జల వరసపెట్టి కౌంటర్లేయడంతో బాబుకు మండుతున్నట్లుంగానే ఉంది. ఆ మధ్యన కూడా చినబాబు ఎవరీ సజ్జల అంటూ గయ్యిమన్నారు. మొత్తానికి అత్త మీద కోపం దుత్త మీద అన్నట్లుగా జగన్ మీద కోపాన్ని సజ్జల మీద చూపిస్తున్నారులా ఉంది అంటున్నారు.

ఏది ఏమైనా ఎవరీ సజ్జల అంటున్నారు అంటేనే పసుపు శిబిరాన్ని ఆయన సుర్రుమనిపిస్తున్నారులా ఉంది అని వైసీపీ నేతలు లాజిక్ పాయింట్ లాగుతున్నారు.