Epaper
అనసూయకు ట్రోలింగ్స్ కొత్తకాదు. సోషల్ మీడియాలో ఎప్పటికప్పుడు ఆమెపై ట్రోలింగ్ జరుగుతూనే ఉంటుంది. ఆమె వస్త్రధారణపై ఎప్పటికప్పుడు విమర్శలు చెలరేగుతూనే ఉంటాయి. అయితే ఇదే ట్రోలింగ్, సాక్ష్యాత్తూ జబర్దస్త్ వేదికపై జరిగితే ఎలా ఉంటుంది? అలాంటి అవమానమే అనసూయకు ఎదురైంది.
జబర్దస్త్.. అనసూయ అడ్డా అది. లేటెస్ట్ డ్రెస్సులతో, హాట్ మూమెంట్స్ తో జబర్దస్త్ స్టేజ్ ను వేడెక్కిస్తుంటుంది అనసూయ. అక్కడ ఆమె ఆడిందే ఆట, పాడిందే పాట. ఒక్కోసారి కంటెస్టెంట్లపైనే (సరదాగా) సెటైర్లు వేసేంత ధైర్యం ఆమెది. అలాంటి జబర్దస్త్ వేదికపై అనసూయ పరువు పోయింది.
ఎప్పటికప్పుడు కొత్త కొత్త వ్యక్తుల్ని స్టేజ్ పైకి తీసుకొచ్చే హైపర్ ఆది, ఈసారి యూట్యూబ్ యాంకర్ శివను గెస్ట్ గా తీసుకొచ్చాడు. స్కిట్ కూడా బాగానే రక్తికట్టింది. కానీ చివరాఖర్లో శివ తన ఒరిజినల్ స్టయిల్ చూపించాడు. ఎందుకలా చిన్న చిన్న దుస్తులు వేసుకుంటారంటూ జబర్దస్త్ వేదికపైనే అనసూయను అడిగేశాడు. అది తన వ్యక్తిగత విషయం అంటుంది అనసూయ.
అలాంటప్పుడు ఇంట్లో వేసుకోవాలి, ఇలా స్టేజ్ పై కాదంటూ శివ కూడా గట్టిగానే ఎదురుతిరుగుతాడు. దీంతో అంతా షాక్ అవుతారు. ఒక దశలో అనసూయ స్టేజ్ పై నుంచి వాకౌట్ కూడా చేస్తుంది.
ఇలా శివతో ఈసారి బాగానే డ్రామా రక్తికట్టించారు జబర్దస్ట్ యూనిట్ జనాలు. నిత్యం ఫన్నీ స్కిట్స్ తో, కామెడీ పంచ్ లతో సరదాగా సాగిపోయే జబర్దస్త్ కార్యక్రమానికి ఈసారి ఇలా కాస్త సీరియస్ టచప్ వేశారు. ఇది ఎలా క్లిక్ అవుతుందో చూడాలి. 24న టెలికాస్ట్ అవుతుంది ఈ ఎపిసోడ్.