Epaper
వీళ్లిద్దరూ మంచి స్నేహితులనే విషయం అందరికీ తెలిసిందే. అందుకే ఈ ఇద్దరి కాంబోలో మల్టీస్టారర్ వస్తే చూడాలని కోరుకునే జనం చాలామంది ఉన్నారు. ఎప్పటికప్పుడు ఈ కాంబినేషన్ పై ఇలా వార్తలొచ్చి, అలా పుకార్లుగా మిగిలిపోతున్నాయి.
ఎట్టకేలకు తమ కాంబినేషన్ పై హీరో గోపీచంద్ స్పందించాడు. ప్రభాస్ తో తను చేయబోయే సినిమా ఒకటి కార్యరూపం దాలుస్తోందని ప్రకటించాడు.
“ప్రభాస్ తో సినిమా మెటీరియలైజ్ అవుతుంది. ఇద్దరం కలిసి సినిమా చేస్తాం. కథ ఏంటి, క్యారెక్టర్లు ఎలా ఉంటాయి లాంటివి నేనేం చెప్పలేను కానీ కలిసి ఓ సినిమా చేయాలని మా ఇద్దరికీ ఉంది.”
ఇలా ప్రభాస్ తో తన కాంబినేషన్ లో సినిమా వచ్చే అవకాశం ఉందని హింట్ ఇచ్చాడు గోపీచంద్. గతంలో వీళ్లిద్దరూ కలిసి వర్షం సినిమా చేశారు. అయితే అందులో ప్రభాస్ హీరోగా నటిస్తే, గోపీచంద్ మాత్రం కరడుగట్టిన విలన్ గా కనిపించాడు.
ఈసారి మాత్రం వీళ్లిద్దరి కాంబినేషన్ లో పక్కా మల్టీస్టారర్ వచ్చేలా ఉంది. గోపీచంద్ మాటల్ని బట్టి చూస్తుంటే, ప్రభాస్ చేయబోయే అప్ కమింగ్ సినిమాల్లో ఏదో ఒకదాంట్లో గోపీచంద్ కనిపించే అవకాశం ఉంది.
ప్రస్తుతం కల్కి, రాజా సాబ్ సినిమాలతో బిజీగా ఉన్నాడు ప్రభాస్. ఆ తర్వాత మరో 2 సినిమాలు సెట్స్ పైకి రాబోతున్నాయి. ఇటు గోపీచంద్, భీమా సినిమాను విడుదలకు సిద్ధం చేశాడు.