Epaper
వైసీపీ అధినేత ముఖ్యమంత్రి వైఎస్ జగన్ ఉమ్మడి విశాఖ జిల్లా నర్శీపట్నం వస్తున్నారు. ఈ నెల 17న జగన్ నర్శీపట్నంలో అయిదు వందల కోట్లతో నిర్మిస్తున్న మెడికల్ కాలేజీకి శంకుస్థాపన చేయనున్నారు. ఈ సందర్భంగా జగన్ సభలో ప్రసంగిస్తారు.
నర్శీపట్నం జగన్ చాలా కాలానికి వస్తున్నారు. ఎన్నికల ప్రచారానికి ఆయన వచ్చాక మళ్ళీ పెద్దగా ఆ వైపు వచ్చినది లేదు. ఇపుడు జగన్ నర్శీపట్నం రాకతో రాజకీయంగా కూడా ఆసక్తి నెలకొంది.
ఇక్కడ టీడీపీ ఫైర్ బ్రాండ్ చింతకాయల అయ్యన్నపాత్రుడు ఉన్నారు. ఆయన తనయుడు విజయ్ కూడా సోషల్ మీడియా వేదికగా చేసుకుని అనుచితమైన పోస్టింగ్స్ పెడుతున్నారని సీఐడీ అధికారులు నోటీసులు ఇచ్చారు. ఆ గొడవ వేడి వేడిగా ఇపుడు ఉంది.
అయ్యన్న అయితే వ్యక్తిగతంగానే జగన్ని టార్గెట్ చేస్తున్నారు. ఒక ముఖ్యమంత్రి స్థానంలో ఉన్న వారిని అనరాని మాటలే అంటున్నారు అని వైసీపీ నేతలు మండిపడుతున్నారు. ఈ నేపధ్యంలో జగన్ నర్శీపట్నం టూర్ చాలా ఇంటెరెస్టింగ్ గా మారింది. అయ్యన్న మీద జగన్ డైరెక్ట్ అటాక్ చేస్తారా ఒక వేళ చేస్తే ఆ సౌండ్ ఏ రేంజిలో ఉంటుందని ఉంటుందో ఏపీలో ఏ రకమైన ప్రకంపనలు సృష్టిస్తుందో చూడాల్సిందే.