క‌రోనాకు వ్యాక్సిన్ పై మ‌రో ఊర‌ట‌నిచ్చే మాట‌

ఆక్స్ఫ‌ర్డ్ యూనివ‌ర్సిటీ, బ్రిటీష్ ఫార్మా సంస్థ ఆస్ట్రాజెనెకా సంయుక్తంగా అభివృద్ధి ప‌రుస్తున్న క‌రోనా వైర‌స్ విరుగుడు వ్యాక్సిన్ విష‌యంలో మ‌రో సానుకూల విష‌యాన్ని ప్ర‌క‌టించారు. క‌రోనా వ్యాక్సిన్ విష‌యంలో తొలి ద‌శ విజ‌య‌వంతం అయ్యింద‌ని ఇప్ప‌టికే ఈ సంస్థ‌లు ప్ర‌క‌టించాయి. ఇప్పుడు మ‌రో ద‌శ‌లో ప్ర‌యోగం విజ‌య‌వంతం అయితే క‌రోనాకు వ్యాక్సిన్ అందుబాటులోకి వ‌చ్చేసిన‌ట్టే అని ఈ సంస్థ‌లు చెబుతున్నాయి. 

ఈ ద‌శ‌లో మొత్తం 10 వేల మందికి పైగా ఆరోగ్య‌వంత‌మైన వ‌లంటీర్ల‌పై ఈ వ్యాక్సిన్ ను ప్ర‌యోగించ‌నున్నార‌ట‌. ఇప్ప‌టికే వారి ఎంపిక పూర్తి అయ్యింద‌ని, వారిపై వ్యాక్సిన్ విజ‌య‌వంతం అయితే.. క‌రోనాకు మందు అందుబాటులోకి వ‌చ్చేసిన‌ట్టే అని ఆస్ట్రాజెనెకా ప్ర‌క‌టించింది. ఈ ద‌శ‌లో ప్ర‌యోగం విజ‌య‌వంత‌మైతే ఈ ఏడాది సెప్టెంబ‌ర్ క‌ల్లా వ్యాక్సిన్ అందుబాటులోకి వ‌స్తుంద‌ని ఆ సంస్థ ఆశాజ‌న‌కమైన విష‌యాన్ని చెబుతూ ఉంది.

ప‌ది కోట్ల డోసుల‌తో వ్యాక్సిన్ ను అందుబాటులోకి తీసుకువ‌స్తున్న‌ట్టుగా కూడా వివ‌రించింది. వ్యాక్సిన్ విష‌యంలో త‌మ లాభాపేక్ష లేద‌ని, ప్ర‌పంచాన్ని విప‌త్తు నుంచి కాపాడ‌టమే ల‌క్ష్యంగా ఈ వ్యాక్సిన్ ను అందుబాటులోకి తీసుకువ‌స్తున్న‌ట్టుగా ఆ సంస్థ ప్ర‌క‌టించింది.

వివిధ వ‌య‌సుల్లోని వ‌లంటీర్ల మీద ఈ వ్యాక్సిన్ ను ప్ర‌యోగిస్తూ ఉండ‌టంతో ప‌నితీరుపై పూర్తి స్ప‌ష్ట‌త వ‌స్తుంద‌ని ఈ అధ్య‌య‌న సంస్థ పేర్కొంటోంది. క‌రోనా విరుగుడు యాంటీబాడీస్ ను జ‌నింప‌జేయ‌డ‌మే ఈ వ్యాక్సిన్ ల‌క్ష్యం. ఆరోగ్య‌వంతుల్లో ఈ పరిశీల‌న చేయ‌నున్నారు. ఈ ద‌శ‌లో ప్ర‌యోగం విజ‌య‌వంతం అయితే.. క‌రోనా వైర‌స్ సోకిన వారికి కూడా ఈ వ్యాక్సిన్ ను ఇవ్వ‌డానికి అవ‌కాశం ఉంటుంద‌ని అధ్య‌య‌న సంస్థ‌లు చెబుతున్నాయి. 

జగన్ గారికి చాలా థాంక్స్