ఆశ‌లు రేపుతున్న ఆక్స్ ఫ‌ర్డ్ వ్యాక్సిన్

క‌రోనా నివార‌ణ‌కు ఆక్స్ఫ‌ర్డ్ యూనివ‌ర్సిటీ ఆధ్వ‌ర్యంలో  ఫార్మా కంపెనీ ఆస్ట్రా జెనెకా రూపొందిస్తున్న వ్యాక్సిన్ పై ప్ర‌యోగాల‌ను అత్యంత విస్తృతంగా చేస్తున్న‌ట్టుగా ప్ర‌క‌టించారు. కేవ‌లం బ్రిట‌న్ లోనే కాకుండా.. వేరే దేశాల్లో కూడా వ‌లంటీర్ల మీద ఈ వ్యాక్సిన్ హ్యూమ‌న్ ట్ర‌య‌ల్స్ సాగుతున్నాయ‌ని ఆ సంస్థ తాజా అప్ డేట్ ను ప్ర‌క‌టించింది. ఈ ఏడాది అక్టోబ‌ర్ కు త‌మ టీకాను అందుబాటులోకి తీసుకురాబోతున్న‌ట్టుగా ఇది వ‌రకే ఆ సంస్థ ప్ర‌క‌టించింది. ఆ మేర‌కు ఇప్పుడు మ‌రోసారి అందుకు సంబంధించిన అప్ డేట్ ను ఇచ్చింది. చింపాజీల‌పై ఈ వ్యాక్సిన్ ట్ర‌య‌ల్స్ విజ‌య‌వంతం అయ్యాయ‌ని ఆ సంస్థ ఇది వ‌ర‌కే ప్ర‌క‌టించింది. ఆ త‌ర్వాత మాన‌వుల‌పై ప్ర‌యోగాల‌ను కొన‌సాగిస్తూ ఉంది. ఒక్కో ద‌శ‌లో కొంత‌మంది మీద ప్ర‌యోగాల‌ను నిర్వ‌హిస్తోంది.

నంబ‌ర్ ను పెంచుకుంటూ పోతూ ఫ‌లితాల‌ను గ‌మ‌నిస్తున్న‌ట్టుగా ప‌రిశోధ‌కులు వివ‌రిస్తున్నారు. బ్రిట‌న్ లో మాత్ర‌మే కాకుండా.. బ్రెజిల్ లో కూడా కొంత‌మంది వ‌లంటీర్ల మీద ఈ వ్యాక్సిన్ ను ప‌యోగించార‌ట‌. అలాగే ద‌క్షిణాఫ్రికాలోనూ కొంత‌మంది పై ఈ వ్యాక్సిన్ ను ప్ర‌యోగించార‌ట‌. ఇక తుదిద‌శ ప్ర‌యోగాలు మాత్ర‌మే మిగిలి ఉన్నాయ‌ని ప‌రిశోధ‌కులు చెబుతున్నారు. 

ఈ ద‌శ‌లో భారీ ఎత్తున చాలా మంది పై ఈ వ్యాక్సిన్ ను ప్ర‌యోగిస్తార‌ట‌. బ్రిట‌న్ లో ఇప్ప‌టి వ‌ర‌కూ నాలుగు వేల మంది వలంటీర్లు ముందుకు వ‌చ్చార‌ని, మ‌రో ప‌ది వేల మంది మీద ఈ వ్యాక్సిన్ ను ప్ర‌యోగించి.. ఫ‌లితాల‌ను స‌మీక్షించ‌నున్నార‌ని తెలుస్తోంది. ఇందుకు సంబంధించిన ఫ‌లితాలపై ఆగ‌స్టు, సెప్టెంబ‌ర్ క‌ళ్లా క్లారిటీ స‌మీక్ష పూర్త‌వుతుంద‌ని, అక్టోబ‌ర్ కు  ప్ర‌పంచ వ్యాప్తంగా ఈ వ్యాక్సిన్ ను అందుబాటులోకి తీసుకురానున్న‌ట్టుగా ప‌రిశోధ‌కులు వివ‌రిస్తున్నారు. ఒకే సారి మూడు కోట్ల డోసుల త‌యారీకి రంగం సిద్ధం చేస్తున్నార‌ట‌.

నాయకుడంటే అర్థం తెలిసింది