Epaper
రానురాను తెలుగులో బోల్డ్ కథలు, కొత్త కాన్సెప్టులు పుట్టుకొస్తున్నాయి. రీసెంట్ గా వచ్చిన చావు కబురు చల్లగా అనే ట్రయిలర్ లో భర్త చనిపోయి ఏడుస్తున్న భార్యకు సైట్ కొడతాడు హీరో. ఇప్పుడు అలాంటిదే మరో బోల్డ్ కథ రెడీ అయింది. ఈ సినిమా పేరు ఏక్ మినీ కథ.
ఈరోజు ఈ సినిమా టీజర్ రిలీజైంది. “అది చిన్నదైతే మాత్రం ప్రాబ్లమ్ పెద్దదే” అనే డైలాగ్ తో ఈ ప్రాజెక్టుపై ఆసక్తిని పెంచారు. చెవిలో గుసగుసలాడుకోవడం లాంటి సన్నివేశాలు చూస్తుంటే.. ఇది కూడా బోల్డ్ కంటెంట్ తోనే వస్తోందనే విషయం అర్థమౌతుంది.
గీతాఆర్ట్స్-2 టైపులో, ఈ సినిమా కోసం యూవీ కాన్సెప్ట్స్ అనే బ్యానర్ పెట్టారు యూవీ నిర్మాతలు. మరో ఇంట్రెస్టింగ్ మేటర్ ఏంటంటే.. దర్శకుడు మేర్లపాక గాంధీ ఈ సినిమాకు కథ, రచనా సహకారం అందించాడు. కార్తీక్ రాపోలు దర్శకుడిగా పరిచయమౌతున్నాడు.
3 భాషల్ని కలిపి పెట్టిన ఈ టైటిల్ తో పాటు టీజర్ కూడా ఆకట్టుకుంది. సంతోష్ శోభన్, కావ్య థాపర్ హీరోహీరోయిన్లుగా నటించిన ఈ సినిమాను త్వరలోనే థియేటర్లలోకి తీసుకురాబోతున్నారు.