Epaper
“కామాతురాణాం న భయం న లజ్జ” అంటారు.. ఇప్పుడు దీనికి కొనసాగింపుగా “న కరోనా” అనే పదం కూడా యాడ్ చేసుకోవాలేమో. దేశంలో రెండు వేర్వేరు ప్రాంతాల్లో ఒకేసారి జరిగిన ఘటనలు చూస్తే ఇలానే అనిపిస్తుంది. కరోనా బాధితురాలు అని తెలిసి కూడా భయపడకుండా, ముందువెనక ఆలోచించకుండా అఘాయిత్యాలకు పాల్పడుతున్నారు.
ఢిల్లీలోని ఛత్తార్ పూర్ లో ఉన్న 14 ఏళ్ల బాలికకు కరోనా సోకింది. వెంటనే ఆమెను సర్దార్ పటేల్ కరోనా సెంటర్ కు తరలించి చికిత్స అందిస్తున్నారు. కొన్ని రోజులుగా ఆమె అదే క్వారంటైన్ సెంటర్ లో ఉంటోంది. ఓరోజు రాత్రి బాత్ రూమ్ కు వెళ్లగా.. సరైన టైమ్ చూసి ఓ వ్యక్తి ఆమెపై అఘాయిత్యానికి పాల్పడ్డాడు. కరోనా ఉందని తెలిసి కూడా ఆ 20 ఏళ్ల వ్యక్తి ఏమాత్రం ఆలోచించలేదు.
సరిగ్గా ఇలాంటి ఘటనే అలీఘడ్ లో కూడా జరిగింది. ఇక్కడ ఏకంగా ట్రీట్ మెంట్ చేయాల్సిన వైద్యుడే, కరోనా బాధితురాలిపై అత్యాచారానికి ప్రయత్నించాడు. కొన్ని రోజుల కిందట కరోనా పాజిటివ్ తో దీన్ దయాల్ హాస్పిటల్ లో చేరింది 25 ఏళ్ల యువతి. కొన్ని రోజులుగా ఆమెకు చికిత్స అందిస్తున్న తుఫైల్ అహ్మద్ అనే వ్యక్తి, సరైన సమయం కోసం ఎదురుచూశాడు. బుధవారం రాత్రి ఆమెను రేప్ చేయడానికి ప్రయత్నించాడు.
తీవ్రంగా ప్రతిఘటించి, డాక్టర్ ను అడ్డుకున్న సదరు మహిళ.. స్థానిక పోలీస్ స్టేషన్ లో కంప్లయింట్ ఇచ్చింది. దీంతో రంగంలోకి దిగిన పోలీసులు వైద్యుడ్ని అరెస్ట్ చేశారు. ఇలా కరోనా ఉందని తెలిసి కూడా అమ్మాయిలపై అఘాయిత్యాలు జరగడం సభ్యసమాజం తలదించుకునేలా చేస్తోంది.