Epaper
“నీకు బట్టర్ ఫ్లై కిస్ తెలుసా అని అడుగుతుంది హీరోయిన్. తెలియదంటాడు హీరో. వెంటనే హీరోయిన్ అతడి పెదవిపై తన వేలు పెడుతుంది, బట్టర్ ఫ్లై కిస్ ఎలా ఉంటుందో చూపిస్తుంది. ఎలా ఉంది ముద్దు అని అడుగుతుంది. నెక్ట్స్ లెవెల్లో ఉందంటాడు హీరో.” ఇలా మెగా హీరో వైష్ణవ్ తేజ్ కు బట్టర్ ఫ్లై కిస్ నేర్పించింది హీరోయిన్ కేతిక శర్మ.
బీవీఎస్ఎన్ ప్రసాద్ నిర్మాతగా వైష్ణవ్ తేజ్ హీరోగా ఓ సినిమా తెరకెక్కుతోంది. ఈ మూవీ టైటిల్ ను ఈరోజు ఎనౌన్స్ చేశారు. ఏదో పోస్టర్ రిలీజ్ చేసి వదిలేయకుండా.. ఇలా బట్టర్ ఫ్లై కిస్ కాన్సెప్ట్ తో ఓ చిన్న వీడియో రిలీజ్ చేసి మరీ టైటిల్ ప్రకటించారు. ఈ సినిమాకు రంగ రంగ వైభవంగా అనే టైటిల్ ఫిక్స్ చేశారు.
వీడియో చూస్తుంటే ఇది యూత్ రొమాంటిక్ లవ్ స్టోరీ అనే విషయం అర్థమౌతూనే ఉంది. కానీ అంతకుమించి ఓ ఫ్యామిలీ డ్రామా కూడా ఉంది. గిరీశాయ ఈ సినిమాకు దర్శకుడు. ఇంతకుముందు తమిళ అర్జున్ రెడ్డిని తీసింది ఇతడే. తెలుగులో ఇతడికి దర్శకుడిగా ఇదే తొలి సినిమా. ఈ క్యూట్ రొమాంటిక్ లవ్ స్టోరీకి దేవిశ్రీప్రసాద్ సంగీతం అందిస్తున్నాడు.
ఉప్పెనతో బ్లాక్ బస్టర్ అందుకున్న వైష్ణవ్ తేజ్ కు ఇది మూడో సినిమా. రెండో సినిమా కొండపొలం ఫ్లాప్ అయింది. అలా సెకెండ్ మూవీ సిండ్రోమ్ ను అధిగమించలేకపోయిన ఈ మెగా హీరో, ఇప్పుడీ 'రంగరంగ వైభవంగా' సినిమాతో సక్సెస్ కోసం ఎదురుచూస్తున్నాడు. త్వరలోనే రిలీజ్ డేట్ ఎనౌన్స్ చేస్తారు.