ఎచ్చర్లలో లోకేష్ పోటీ ..?

చినబాబు లోకేష్ ఎక్కడ నుంచి పోటీ చేస్తాడు అన్నది ఎవరికీ తెలియదు. ఆయన మళ్ళీ మంగళగిరిలో పోటీ చేసేది లేదు అనే అంతా అంటున్నారు. ఇక ఆయన ఉత్తరాంధ్రా మీద కన్ను వేశారని, అందుకే తరచూ ఈ ప్రాంతంలో పర్యటిస్తున్నారని కూడా అంటున్నారు.

ఇక విశాఖ జిల్లా భీమిలీలో లోకేష్ పోటీ చేస్తారని కూడా తమ్ముళ్ళు చెబుతున్నారు. సరే ఇదంతా తమ్ముళ్ళ ప్రచారం, ఉత్సాహం అనుకుంటే ఏకంగా ఏపీ టీడీపీకి ఒకనాడు ప్రెసిడెంట్ గా పనిచేసిన కిమిడి కళా వెంకటరావు లాంటి నేతలు కూడా లోకేష్ ని తెచ్చి ఎచ్చెర్లలో పోటీ చేయిస్తామని చెప్పడమే వింతగా ఉందని అంటున్నారు.

ఎచ్చెర్లలో కళా వెంకటరావే గత ఎన్నికల్లో ఓడిపోయారు. ఇక లోకేష్ చూస్తే మంగళగిరిలో పరాజయం పాలు అయ్యారు. మరి ఎచ్చెర్లలో చూసుకుంటే టీడీపీకి పెద్దగా బలం కూడా లేదు. అలాంటి చోట లోకేష్ తో పోటీ అంటున్న కళా చాలా పెద్ద ప్లాన్ లోనే ఉన్నారని అంటున్నారు. 

తనకు వ్యతిరేకంగా ఉన్న క్యాడర్ ని లొంగదీయడానికే ఆయన ఇలాంటి ప్రచారాలు చేయిస్తున్నారని తమ్ముళు అంటున్నారు. నాన్ లోకల్ వద్దు, లోకల్ క్యాండిడేట్ ముద్దు అంటూ ఎచ్చెర్ల టీడీపీ కళాను పక్కన పెట్టడంతోనే ఆయన లోకేష్ నామస్మరణ చేస్తున్నారా అన్న చర్చ కూడా ఉంది మరి.