Epaper
తామిద్దరం పదహారు సంవత్సరాల పాటు మాట్లాడుకున్నదే లేదని చెప్పాడు సన్నీడియోల్. బాలీవుడ్ స్టార్ హీరో షారూక్ ఖాన్ ను ఉద్దేశించి ఈ వ్యాఖ్యలు చేశాడు సన్నీడియోల్. ఇటీవలే ఎంపీగా ఎన్నికైన ఈ హీరో ఇండియాటీవీ ఇంటర్వ్యూలో ఈ ఆసక్తిదాయకమైన వ్యాఖ్యలు చేశాడు.
ఒకదశలో వీరిద్దరూ కలిసి నటించారు కూడా. ఆ కలిసి నటించిప్పుడే వీరి మధ్య విబేధాలు కలిగాయట. యశ్ చోప్రా సినిమా 'డర్' షూటింగ్ లో తమ మధ్యన గొడవ జరిగినట్టుగా సన్నీడియోల్ వివరించాడు. ఆ సినిమాలో షారూక్ పాత్ర తనను పొడవటాన్ని తను తప్పు పట్టినట్టుగా చెప్పాడు. తను ఒక ఆర్మీ జవాన్ పాత్రలో నటించినట్టుగా, ఒక మామూలుగా యువకుడు తన పాత్రను పొడిచేలా సీన్ పెట్టడం పట్ల తను అభ్యంతరం చెప్పినట్టుగా సన్నీ వివరించాడు.
ఆ సినిమా తర్వాత యశ్ చోప్రాతో సినిమా చేయలేదని, షారూక్ తో కూడా మాట్లాడలేదని, షారూక్ తో మాట్లాడాల్సిన అవసరం రాలేదని చెప్పాడు సన్నీడియోల్. అయితే ఆ తర్వాత కొన్నేళ్ల కిందట 'ఓం శాంతి ఓం' సినిమాలో ఒక పాటలో సన్నీడియోల్ మెరిశాడు. ఆ పాటలో బాలీవుడ్ సెలబ్రిటీలు అంతా కనిపించారు. ధర్మేంద్ర కూడా ఒక డ్యాన్స్ బిట్ వేశారు. ఆయన తనయులిద్దరూ అలా కనిపిస్తారు. తద్వారా షారూక్ సినిమాలో సన్నీడియోల్ కనిపించారు.