స్పెషల్ సాంగ్.. శ్రద్ధ.. 8 కోట్లు!

పుష్ప 2లో ఐటమ్ సాంగ్ లేదా స్పెషల్ సాంగ్ చేసే హీరోయిన్ ఎవరు అనే క్వశ్చను చాలా కాలం వినిపించింది. చివరకు శ్రీలీల అనే చిన్న ఆన్సర్ దగ్గర సెటిల్ అయింది. వై… శ్రీలీల అన్నది చాలా మందికి వచ్చిన డౌట్.

ఎందుకంటే పాన్ ఇండియా సినిమా కనుక, పైగా మోస్ట్ యాంటిసిపేటెడ్ ఫిల్మ్ కనుక బాలీవుడ్ నుంచి హాలీవుడ్ నుంచి ఎవరినో తెస్తారు అనుకున్నారంతా. పైగా శ్రీలీల అనే సరికి పెదవి విరిచిన వారూ వున్నారు. నిజానికి శ్రీలీల మంచి డ్యాన్సర్. అందులో సందేహం లేదు. గుంటూరు కారం సినిమాలోనే శ్రీలీల మాగ్జిమమ్ చిందులు వేసేసింది. ఇంక మిగిలింది ఎక్స్ పోజింగ్ మాత్రమే.

అసలు శ్రీలీల ను తీసుకోవడానికి ముందు వేరే నటిని ఓకె చేసారు. ఎవరో కాదు. బాలీవుడ్ హీరోయిన్ శ్రద్ధ కపూర్. స్పెషల్ సాంగ్ చేయడానికి ఆమె ఓకె అన్నారు. డేట్ లు ఇచ్చారు. కానీ రెమ్యూనిరేషన్ దగ్గర వచ్చింది తేడా. ఈ ఒక్క సాంగ్ కు ఆమె కోట్ చేసిన రెమ్యూనిరేషన్ అక్షరాలా ఎనిమిది కోట్లు అని తెలుస్తోంది. ఈ ఫిగర్ విని యూనిట్ షాక్.

దాంతో బేరాలు మొదలయ్యాయి. యూనిట్ మూడు కోట్ల వరకు వెళ్లినట్లు తెలుస్తోంది. కానీ శ్రద్ద దిగిరాకపోవడంతో, శ్రీలీల ఆప్షన్ అయింది. శ్రీలీలకు ఒకటిన్నర కోట్లకు కాస్త అటు ఇటుగా రెమ్యూనిరేషన్ ఇచ్చినట్లు తెలుస్తోంది.