‘భయో’ డేటా: ఆసియేంద్ర మోడీ!

పేరు        : నరేంద్ర మోడీ

దరఖాస్తు చేయు ఉద్యోగం: బీజేపీ శాశ్వత ప్రచార సారధి ( నేను మొన్న జరిగిన ఎన్నికలలో నేను పూర్తి కాలం వెచ్చించలేక పోయాను. లేకుంటే బీజేపీకి ఎదురు దెబ్బ తగిలేది కాదు.)

ముద్దు పేర్లు    : ‘గుజరాత్‌ ’ ప్రధాని ( హోదా భారత ప్రధానే. కానీ నాది ‘గుజరాత్‌’ మోడల్‌ కదా! అనగా నా దృష్టిలో ‘గుజరాత్‌’లో ‘బారత్‌’ వుంది కానీ, ‘భారత్‌’ లో గుజరాత్‌ లేదు. అందుకే గా చైనా అధినేతను కూడా ‘గుజరాత్‌లోని భారత్‌’ కు ఆహ్వానించాను.)  ‘ఆసియే’ంద్ర మోడీ( నేపాల్‌, జపాన్‌, చైనా.. చూశారా? ముఖ్యమంత్రి నుంచి, ప్రధాని నయ్యాను. తర్వాత? అంతర్జాతీయ నేతను కావాలి కదా! కాబట్టే ఒక్కొక్క దేశాన్ని చక్కబెడుతున్నాను. ఈలో ఉప ఎన్నికలొచ్చి దేశంలోనే చుక్కెదురయింది.

‘విద్యార్హతలు    : రెండు: మాస్టర్‌ ఆఫ్‌ పోల్స్‌, బ్యాచిలర్‌ ఆఫ్‌ బైపోల్స్‌ ( ఎన్నికలలో మనకి తిరుగు లేదు. కానీ ఉప ఎన్నికలే మనకి చిక్కడంలేదు. వాటిని కూడా ‘మాస్టర్‌’ చెయ్యాలి. )

గుర్తింపు చిహ్నాలు    :ఒకటి: నా పక్కన ఎవరున్నా కనిపించరు. అందుకే నా కేబినెట్‌లో ‘నెంబర్‌ టూ, నెంబర్‌ త్రీ’ లు ఎవరో చెప్పలేరు.
                             రెండు: ఏ దేశమేగినా, ఎందు కాలిడినా, నా ‘డప్పు’ నేను కొట్టుకుంటాను. వేరేవారికిచాన్సివ్వను. ( నా జపాన్‌ పర్యటనలో నేను డోలు వాయించటం చూశారు కదా!)

సిధ్ధాంతం        : నన్ను చూస్తే చాలు, అందరూ ‘నమో’ అంటారు. నేను మాత్రం నాకు ఏం జరిగినా ఇది ‘భగవత్‌’ సంకల్పం` అని అనుకుంటాను. నేను గుజరాత్‌ ముఖ్యమంత్రినయినా, బీజేపీ ప్రచార సారధినయినా, కడకు దేశ ప్రధానినయినా అంతా ఆ ‘భగవత్‌’ లీల. ( నాకు సిధ్ధాంత భూమిక నిచ్చిన ఆర్‌ఎస్‌ఎస్‌ చీఫ్‌ పేరు కూడా ‘భగవత్‌’)

వృత్తి        :  నా వృత్తిలో భాగంగా నేను రెండు విద్యుక్త ధర్మాలు నెరవేరుస్తాను: ‘విదేశీ పెట్టుబడుల’కు ఆహ్వానం, ‘స్వదేశీ’ సంస్కృతికి రక్షణ.

హాబీలు        :1. చెప్పానుగా. ‘ఫ్లూట్‌’ లు ఊదటం; డ్రమ్ములు కొట్టటం.
                    2. కాస్ట్యూమ్స్‌ అనగా డ్రస్సులు మార్చటం. విమానం ఎక్కేటప్పుడు ఒక డ్రస్సుతో వుంటే, దిగేటప్పుడు మరో డ్రస్సులో వుంటాను. 

అనుభవం        : గెలుపు వోటములు ఒక్క తీరుగ నుండుÑ చూడ చూడ రుచుల జాడవేరుÑ ఎన్నికలందు ఉప ఎన్నికలు వేరయా!  ( అందుకే కదా! ఉత్తరప్రదేశ్‌, గుజరాత్‌, రాజస్థాన్‌లలో ఉప ఎన్నికలు తారు మారు అయ్యాయి. నాకూ, అమిత్‌షాకూ ‘ఎన్నికల రహస్యమే’ బోధపడిరది కానీ, ఉప ఎన్నికల జాడ అర్థం కాలేదు.

మిత్రులు        : మిత్రుడూ, మార్గదర్శి, తత్వవేత్త ` అన్నీ నాకు అమిత్‌ షా యే. నటన నాది, దర్శకత్వం ఆయనది.  

శత్రువులు         : సొంత పార్టీలో వృధ్ధులు, వ్యతిరేక పార్టీలో యువకులు. (వృధ్ధులనగానే అద్వానీనీ, యువకులనగానే రాహుల్‌ గాంధీనీ  మీరు గుర్తుకు తెచ్చుకుంటే, నేను చేయగలిగింది ఏమీలేదు.)

మిత్రశత్రువులు    : కోరికల్ని కడుపులో పెట్టుకుని, కాషాయం కట్టుకుని నా క్యాబినెట్లో కూర్చున్న వారు. వారు శివసైనికులు కావచ్చుÑ లేదా తెలుగుదేశీయులు కావచ్చు.  

వేదాంతం        : ఒక్క టీ కప్పు దేశాన్నే మార్చేస్తుంది. ( లేకుంటే ఛాయ్‌వాలా దేశానికి ప్రధాని కావటమేమిటి? మన రాజ్యాంగ నిర్మాతల్ని ఇలాంటప్పుడే తలచుకుంటాను.)

జీవిత ధ్యేయం    : ప్రధానిగా హ్యాట్రిక్‌ చెయ్యాలని.

-సర్‌