Epaper
ఒకప్పుడు విలక్షణ నటుడిగా, జాతీయ అవార్డు సైతం అందుకొని అత్యుత్తమ నటుడిగా గుర్తింపు తెచ్చుకున్న విక్రమ్ కు టాలీవుడ్ లో క్రేజ్ ఎంతలా పడిపోయిందో చెప్పడానికి ప్రత్యక్ష ఉదాహరణ ఇది. ఇతడు నటించిన తాజా చిత్రం సామి తెలుగులో డిజాస్టర్ అయిన విషయం తెలిసిందే. ఇప్పుడీ సినిమా శాటిలైట్ హక్కుల కోసం 1+1 ఆఫర్ ప్రకటించాల్సి వచ్చింది.
అవును.. సామి సినిమా శాటిలైట్ రైట్స్ కొనేవాళ్లకు విక్రమ్ నటించిన మరో సినిమా శాటిలైట్ రైట్స్ ను ఉచితంగా అందిస్తున్నారు నిర్మాతలు. వినడానికి కాస్త ఆశ్చర్యంగా, ఇంకాస్త ఫన్నీగా ఉన్నప్పటికీ ఇది ముమ్మాటికీ నిజం. సామి సినిమా తెలుగు శాటిరైట్ రైట్స్ కొన్నవారికి గతంలో విక్రమ్ నటించిన '10' అనే సినిమా శాటిలైట్ రైట్స్ ను ఫ్రీగా ఇవ్వబోతున్నారు.
నిజానికి ఈ '10' అనే సినిమా కూడా ఫ్లాప్ మూవీనే. తెలుగు, తమిళ్ అనే తేడాలేకుండా ఫ్లాప్ అయింది ఈ సినిమా. కాకపోతే ఇక్కడ నిర్మాతల ధైర్యం విక్రమ్ కాదు. ఆ సినిమాల్లో నటించిన హీరోయిన్లు. వాళ్లే ఈ సినిమాను అమ్మిపెడతారని నమ్మకంగా ఉన్నారు.
సామి సినిమాలో విక్రమ్ సరసన కీర్తిసురేష్ హీరోయిన్ గా నటించింది. ఇక '10' సినిమాలో సమంత హీరోయిన్ గా నటించింది. వీళ్లిద్దరికీ తెలుగులో క్రేజ్ ఉంది. సో.. వీళ్ల క్రేజ్ ఆధారంగా విక్రమ్ నటించిన ఈ రెండు సినిమాలు కాంబో ఆఫర్ కింద ఫ్యాన్సీ రేటుకు అమ్ముడుపోతాయని నిర్మాత భావిస్తున్నాడు.