Epaper
ఇండస్ట్రీని ఊపేస్తాడనుకున్నారు..మెగా హీరోలకు మహేష్ కు తోడుగా మరో ఆన్సర్ దొరికిందనుకున్నారు. కానీ అలాంటిది సమ్ థింగ్ డిఫరెంట్ గా ట్రయ్ చేస్తే బెటర్, సీన్ లో వున్న హీరోలు చేయనిది, ట్రయ్ చేయనిది ఏదయినా చేస్తే ఇంకా బెటర్ అని చెప్పిన డాడీ నాగ్ మాట పెడచెవిన పెట్టాడు.
సినిమా స్టార్ట్ అయిన కొన్నాళ్లకే చుట్టుపక్కల భజన ప్రారంభమైపోయి, సూపర్ స్టార్ ను చేసేసారు. తీరా సినిమా డిజాస్టర్ అయిపోయాక ఇప్పుడు ఏం చేయాలో తోచక కిందా మీదా అవుతున్నాడు.చిత్రమేమిటంటే, ఇప్పటికీ క్లారిటీ మిస్సే. డైరక్టర్లను చాయిస్ అడగకుండా, తనకు నచ్చిన స్టోరీ కోసం చూస్తున్నాడని వినికిడి.దీంతో వస్తున్న డైరక్టర్లంతా తిరుగుముఖం పడుతున్నారని ఇంటస్ట్రీ టాక్. ఆఖరికి హను రాఘవపూడి కూడా.
ఆ మధ్య సంపత్ నంది అనుకున్నారు. ఆయన కూడా గోపీచంద్ తో సినిమాకు వెళ్లిపోయారు. దాదాపు అందరు డైరక్టర్లు ఇప్పుడు సినిమాలు ప్రారంభించడమో, ఆ పనిలో వుండడమో జరుగుతోంది. ఇప్పుడు సలహాలు సూచనలు ఇవ్వాల్సిన నాగ్ తన సినిమాతో బిజీ అయిపోయారు. మరోపక్క పెళ్లి సంగతులు వినిపిస్తున్నాయి. అంటే ఇప్పుడు ఇక సినిమా గురించి డిస్కషన్లు పెట్టేంత తీరుబాటు ఎక్కడుంది. ఇక మిగిలిన ఈ అయిదు నెలలు కూడా గడచిపోయేలాగే కనిపిస్తున్నాయి. అంటే 2016లో అఖిల్ సినిమా లేనట్లే అనుకోవాలి.