Epaper
వారం దాటితే సినిమాకు వసూళ్లు రావనే విషయం తెలుసు. సూపర్ హిట్ అయితే తప్ప రెండోవారం ఆడదనే విషయం కూడా తెలుసు. అయినప్పటికీ తెగించి 2.O సినిమాను కొన్నారు. ఇప్పుడు నష్టాలు చవిచూస్తున్నారు. తెలుగు రాష్ట్రాల్లో 72 కోట్ల రూపాయలకు అమ్ముడుపోయిన ఈ సినిమా ఎట్టకేలకు 50 కోట్ల రూపాయల వసూళ్లు సాధించింది.
నిజానికి మొదటి 4 రోజుల్లోనే (గురువారం విడుదలైంది ఈ సినిమా) ఈ సినిమాకు 45 నుంచి 50 కోట్ల రూపాయల కలెక్షన్ ఆశించారు. కానీ అది మేజిక్ ఫిగర్ అందుకోవడానికి 16 రోజులు టైమ్ తీసుకుంది. బ్రేక్-ఈవెన్ అవ్వాలంటే ఇంకా 22 కోట్లు రావాలి. ఇప్పటికే 2 వారాలు పూర్తిచేసుకున్న ఈ సినిమా అదనంగా మరో 22 కోట్లు రాబట్టడం అసంభవం.
తెలుగులో ఈ సినిమాను ఎన్వీ ప్రసాద్ తో కలిసి దిల్ రాజు, యూవీ వంశీ కొనుగోలు చేశారు. చాలా చోట్ల సొంత రిలీజ్ కు వెళ్లడంతో వీళ్లకు నష్టాలు తప్పలేదు. ఉన్నంతలో సంతోషించాల్సిన విషయం ఏంటంటే.. నైజాంలో మాత్రం ఈ సినిమా ఎడ్జ్ లో గట్టెక్కబోతోంది. ఏపీ, నైజాంలో 2.O సినిమాకు 16 రోజుల్లో వచ్చిన షేర్లు ఇలా ఉన్నాయి.
నైజాం – రూ. 22.90 కోట్లు
సీడెడ్ – రూ. 7.19 కోట్లు
ఉత్తరాంధ్ర – రూ. 6.35 కోట్లు
ఈస్ట్ – రూ. 3.65 కోట్లు
వెస్ట్ – రూ. 2.52 కోట్లు
గుంటూరు – రూ. 3.60 కోట్లు
కృష్ణా – రూ. 2.90 కోట్లు
నెల్లూరు – రూ. 1.87 కోట్లు