Epaper
నేను లోకల్ సినిమా విడుదలకు ముందే అమెరికా వెళ్లిపోయాడు నాని. అప్పట్నుంచి మొన్నటివరకు యూఎస్ లోనే ఉన్నాడు. శివ నిర్వాణ దర్శకత్వంలో చేస్తున్న కొత్త సినిమాకు సంబంధించి భారీ షెడ్యూల్ కంప్లీట్ చేశాడు. డీవీవీ దానయ్య నిర్మిస్తున్న ఈ సినిమాకు నిన్ను కోరి అనే టైటిల్ ఫిక్స్ చేశారు. ఎట్టకేలకు తిరిగి హైదరాబాద్ వచ్చిన నానిని అంతా నెక్ట్స్ ఏంటి అని అడుగుతున్నారు.
ఓ సినిమా సెట్స్ పై ఉంటుండగానే మరో సినిమాకు కొబ్బరికాయ కొట్టడం నానికి అలవాటు. అందుకే ఈసారి నాని ఏ సినిమా స్టార్ట్ చేస్తాడా అని అంతా వెయిట్ చేస్తున్నారు. ప్రస్తుతం నేచురల్ స్టార్ చేతిలో 2 సినిమాలున్నాయి. దిల్ రాజు బ్యానర్ లో ఎంసీఏ అనే సినిమా చేయాల్సి ఉంది. వేణు శ్రీరామ్ దర్శకత్వంలో ఈ సినిమా రాబోతోంది. మరోవైపు తన ఫ్రెండ్ అవసరాల శ్రీనివాస్ దర్శకత్వంలో కూడా ఓ మూవీ చేసేందుకు రెడీ అవుతున్నాడు నాని.
ఈ రెండు సినిమాల్లో ఒకటి త్వరలోనే ప్రారంభం అవుతుంది. అయితే దిల్ రాజు సినిమా కాస్త ఆలస్యమౌతుంది. ఎందుకంటే, భార్యను పోగొట్టుకున్న బాధలో ఉన్న దిల్ రాజు ఇప్పట్లో మరో సినిమాను సెట్స్ పైకి తీసుకురాలేకపోవచ్చు. సో.. అవసరాల శ్రీనివాస్ సినిమా ప్రారంభమయ్యే ఛాన్స్ ఉంది. ఈ గ్యాప్ లో నిన్నుకోరి సినిమాకు సంబంధించి మరో షెడ్యూల్ కంప్లీట్ చేసే ప్లాన్ లో ఉన్నాడు నాని.