అప్పుడే ‘కొండె’క్కేసిందా?

ఇలా సెట్ అయినంత సేపు లేదు..అప్పుడే బ్రేకప్..ఇదేమీ ఎవరిదో పెళ్లి ముచ్చట కాదు. బెల్లంకొండ శ్రీనివాస్ తో, కొండా విజయకుమార్ సినిమా ప్రాజెక్టు. ఏదో కిందా మీదా పడి, సబ్జెక్ట్ అవును అనిపించుకుని, ప్రాజెక్ట్ సెట్ చేసుకున్నాడు కొండా విజయకుమార్. ఆ వైనమే మెల్లిగా ఇండస్ట్రీలోకి వెళ్లేలా చేసాడు. 

దాంతో ఆ వార్త కాస్తా గుప్పు మంది. కానీ ఆ వెంటనే బెల్లంకొండ సురేష్ బ్రేకప్ చెప్పేసినట్లు తెలుస్తోంది. దీనికి కారణం ఏమిటో ఇదమిద్దంగా తెలియడం లేదు కానీ, ఇప్పుడు ఈ ప్రాజెక్టు వార్త బయటకు రావడం మాత్రం బెల్లంకొండ సురేష్ కు ఇష్టం లేదని తెలుస్తోంది. ఆయన దృష్టి అంతా బొయపాటిపైనే వుందట. 

కావాలంటే ఆ తరువాత ఈ ప్రాజెక్టు చేద్దామని వుందట. ఇప్పుడే బయటకు రావడంతో, ఈ ఫ్రాజెక్టు లేదన్న వార్త మీడియాలోకి పంపేందుకు బెల్లంకొండ ప్రయత్నించినట్లు వినికిడి.