ఆగస్టులో రావడం చైతూకి ఇష్టం లేదా?

యుద్ధం శరణం సినిమా విడుదల డేట్ దాదాపు ఫిక్స్ అయినట్లే. ఆగస్టు 25న విడుదలకు నిర్మాత సాయి కొర్రపాటి సన్నాహాలు చేస్తున్నారు. కొత్త దర్శకుడితో నాగ చైతన్య చేస్తున్న సినిమా ఇది. ఈ సినిమాలో నాగ చైతన్య డ్రోన్స్ స్పషలిస్ట్ గా కనిపిస్తారు. వాటి సాయంతోనే రివెంజ్ తీర్చుకునే లైన్ ఇది. అయితే ఈ సినిమాను ఆగస్టు 25 కాకుండా మరి కాస్త లీజర్ గా విడుదల చేస్తే బెటర్ అన్న ఆలోచనలో నాగచైతన్య వున్నట్లు తెలుస్తోంది.

సినిమా పూర్తయింది. పోస్ట్ ప్రొడక్షన్ జరుగుతోంది. అయితే నాగ చైతన్య ఆలోచన ఏమిటంటే, ఈ సినిమాను తనకు కావాల్సిన ఇద్దరు ముగ్గురికి చూపించి, ఇన్ పుట్స్ తీసుకుని, అవసరమైతే కాస్త చేంజెస్ చేసి, అన్ని విధాలా బాగుంది అన్న సంతృప్తి వచ్చిన తరువాత థియేటర్లలోకి వదలాలన్నది. కానీ మంచి డేట్ ఆగస్టు 25న వదిలేద్దాం అని సాయి కొర్రపాటి అంటున్నారట. దాంతో నాగ చైతన్య ఏమీ చెప్పలేక పోతున్నట్లు వినికిడి. పైగా అదేరోజు అజిత్ నటించిన వివేగం సినిమా కూడా విడుదలవుతుందని తెలుస్తోంది.

ఇదిలా వుంటే ఈ సినిమా వర్క్ ఫినిష్ కావడంతో, ఆగస్టులో పూజ చేసి, సెప్టెంబర్ నుంచి మైత్రీ మూవీస్ సినిమా మీదకు నాగ చైతన్య వెళ్తున్నారు.