భీష్మ వచ్చేసాడు

చాన్నాళ్లుగా వార్తల్లో నానుతోంది హీరో నితిన్ సినిమా భీష్మ. అసలు వుంటుందా? వుండదా అన్న అనుమానాలు కూడా వ్యక్తం అయ్యాయి. అయితే వీటన్నంటిని పటా పంచలు చేస్తూ, భీష్మ సినిమా ప్రకటనను నిర్మాణ సంస్థ సితార ఎంటర్ టైన్ మెంట్స్ అనౌన్స్ చేసింది. భీష్మ, సింగిల్ ఫర్ ఎవర్ అనే క్యాప్షన్ తో కూడిన స్టిల్ ను సోషల్ నెట్ వర్క్ లోకి వదిలారు.

యూత్ ఫుల్ లుక్ లో వున్న నితిన్ గెటప్ చుట్టూ స్టయిలిష్ అండ్ పాష్ అమ్మాయిలను సింబాలిక్ గా అమర్చారు. దీన్నిబట్టి కాసనోవా టైపు క్యారెక్టర్ ఏదో నితిన్ చేస్తున్నట్లు అనుకోవాల్సి వస్తోంది. ప్రేమబాణాలు సంధిస్తాడని టైటిల్ లో సింబాలిక్ గా చెప్పనే చెప్పారు. కానీ అదే టైమ్ లో సింగిల్ ఫర్ ఎవర్ అంటే ఇంకేముంది.. మోడర్న్ మజ్ఞు అనుకోవాల్సిందే.

ఛలో సినిమాతో హిట్ కొట్టిన వెంకీ కుడుముల రెండో సినిమా ఇది. సితార ఎంటర్ టైన్ మెంట్స్ పతాకంపై సూర్యదేవర నాగవంశీ నిర్మిస్తున్నారు. ఉగాదికి శ్రీకారం చుట్టుకుని, ఈ ఏడాది చివర విడుదల దిశగా తయారలవుతుందీ సినిమా.