అంధుడి పాత్రలో మరో హీరో

ఆ మధ్య రవితేజ అంధుడి పాత్రలో నటించి హిట్ కొట్టేసారు. రాజ్ తరుణ్ ఓ సినిమాలో అంధుడిగా నటించారు. ఇప్పుడు మరో హీరో కూడా అంధుడిగా కనిపించబోతున్నారు. హీరో ఆది పినిశెట్టి హీరోయిన్ తాప్సీతో కలిసి నటించిన సినిమా నీవెవరో. కోన కార్పొరేషన్, ఎంవివి సంస్థ కలిసి నిర్మించిన సినిమా ఇది.

ఈ సినిమాలో ఆది పినిశెట్టి సెలబ్రిటీ చెఫ్ గా కనిపిస్తాడట. అయితే అతనికి మాత్రం చూపువుండదు. చూపులేని అంధుడు వంటచేయడం, అందులోనూ సెలబ్రిటీ చెఫ్ గా మారడం విశేషం. థ్రిల్లింగ్ కథాంశంతో తయారవుతున్న నీవెవరో సినిమా ఆగస్టు 24న విడుదల అవుతుంది.

విలన్ గా ఆ మధ్య రెండు మూడు హిట్ లు కొట్టిన ఆది పినిశెట్టి, మళ్లీ మరోసారి హీరోగా ప్రయత్నిస్తున్న సినిమా ఇది. ఈ సినిమాను ఇండియా వైడ్ గా థియేటర్ హక్కులను ఆసియన్ సునీల్-సురేష్ బాబు కలిసి ఏడు కోట్లకు తీసేసుకోవడం విశేషం. 12కోట్ల బడ్జెట్ తో తయారైన ఈ సినిమా ఓవర్ సీస్, హిందీ శాటిలైట్, డిజిటల్, తెలుగు శాటిలైట్ కలిపి నిర్మాతకు టేబుల్ ప్రాఫిట్ ఇచ్చాయి.