బోయపాటికి మళ్లీ తెలిసి వచ్చింది?

ఎక్కడైనా బావ కానీ, వంగతోటలో కాదని సామెత. టాలీవుడ్ లో అయితే ఎక్కడైనా నడుస్తుంది హవా కానీ, మెగా కాంపౌండ్ లో కాదని మార్చుకోవాలి. బన్నీతో సినిమా అనుకున్న దగ్గర నుంచి దర్శకుడు బోయపాటి శ్రీనుకు తెలిసి వస్తోంది ఈ వాస్తవం. 

కథ, కథనాలు తన చిత్తానికి తయారుచేసుకుంటే, నిర్మాత అల్లు అరవింద్ వీటో చేసాడు. మళ్లీ సెట్ చేయమని చెప్పడంతో, తొలిసారి ఈ వైనం అనుభవంలోకి వచ్చింది. దాంతో సినిమా వెనక్కు వెళ్లింది. ఇప్పుడు అంతా అయింది. హీరోయిన్ సెలక్షన్ దగ్గర కూడా బోయపాటి మాట చెల్లలేదట. హన్సిక అన్నది పూర్తిగా బన్నీ, అల్లు అరవింద్ చాయిస్ అంట. 

హన్సిక మరీ బొద్దుగా వుంటుందని (నిజానికి ఈ మధ్య బాగా సన్నబడింది) అడ్డు చెప్పబోతే, అక్కడా వీటో చేసారట. కావాలంటే చిక్కుతుంది లెండి, అని బోయపాటికి చెప్పేసి, హన్సికను ఫైనల్ చేసారని తెలుస్తోంది. ఇప్పుడే ఇలా వుంటే, ఇక టేకింగ్ లో ముందు ముందు బోయపాటికి ఎలాంటి అనుభవాలు ఎదురవుతాయో?