బన్నీ సరసన ఎవరు?

జులాయి తరువాత బన్నీ తో దర్శకుడు త్రివిక్రమ్ చేస్తున్న ప్రాజెక్ట్ కు ఇంకా హీరోయిన్ ఫైనల్ కాలేదు. ఈ విషయం పైనే చర్చలు చురుగ్గా నడుస్తున్నాయి. అల్లు అర్జున్ సరసన ఇంతవరకు నటించని హీరోయిన్లు ఎవరున్నారా అనే యాంగిల్ లో ఆలోచనలు సాగుతున్నాయి. మరోపక్క టాలీవుడ్ లో గోల్డెన్ హీరోయిన్ గా పేరున్న ఓ భామ పేరు కూడా పరిశీలిస్తున్నట్లు తెలిసింది. 

సాధారణంగా త్రివిక్రమ్ కొత్త హీరోయిన్ల కన్నా ఉన్నవారిలో కాస్త ఒడ్డు, పొడవు వున్నవారినే ఎన్నుకుంటారు. చీరకట్టు ఎవరికి బాగా నప్పుతుందో వాళ్లే త్రివిక్రమ్ కు నచ్చే హీరోయిన్లు అని ప్రత్యేకంగా చెప్పనక్కరలేదు. ఆ దిశగా ఆలోచిస్తే, మళ్లీ అత్తారింటికి దారేది కాంబినేషనే గుర్తుకువస్తుంది. అయితే ఇప్పటికే ఆ కాంబినేషన్ రిపీట్ అయింది. పైగా ఈ సినిమాలో సింగిల్ హీరోయిన్ అని తెలుస్తోంది. అలా అయితే ఎవరో ఒకరే వుండే అవకాశం వుంది.