బన్నీ స్పెషల్ అట్రాక్షన్ అదే

బన్నీ సినిమా అలవైకుంఠపురములో ప్రచారం అంతా ఓ ప్లాన్డ్ గా జరుగుతోంది. హారిక హాసిని యూనిట్ వెల్ ప్లాన్డ్ గా ప్రచారం సాగిస్తోంది. దానికి బన్నీ నుంచి ఫుల్ సపోర్ట్ అందుతోంది. హారిక హాసిని యూనిట్ వెబ్ మీడియా, సోషల్ మీడియా ప్రచారం మీద ఎక్కువ దృష్టి పెట్టింది. ఇందుకోసం ఓ టీమ్ ను ప్రత్యేకంగా నియమించుకుని, ముందుకు వెళ్తోంది. దాంతో ఫుల్ బజ్ ను తెచ్చుకోగలిగింది.

14న ఓ స్పెషల్ సర్ప్రయిజ్ వుంటుందని గ్రేట్ ఆంధ్ర ముందుగా వెల్లడించిన సంగతి తెలిసిందే. అల వైకుంఠపురములో 'డాడీ ..డాడీ' అనే సాంగ్ ఒకటి వుంది. నవంబర్ 14న చిల్డ్రన్స్ డే సందర్భంగా ఆ పాట ను జస్ట్ చిన్నగా పరిచయం చేయబోతున్నారు. అయితే అది మాత్రమే సర్ప్రయిజ్ కాదు.

14న చిల్ట్రన్స్ డే కాబట్టి, బన్నీ కొడుకు ఆయాన్ మీద కట్ చేసిన ఓ విడియో బైట్ మీద ఆ పాటను రన్ చేసి విడుదల చేస్తారని తెలుస్తోంది. అది అసలు సిసలు సర్ప్రయిజ్. బన్నీకి పిల్లలు అంటే భలే ముద్దు. బన్నీ పిల్లలు కూడా భలే ముద్దుగా వుంటారు. ఆ మధ్య బన్నీ తన కుమార్తెతొ చిన్న చిన్న విడియోలు కూడా చేసి వదిలాడు. 

ఇప్పుడు తన సినిమాలోని డాడీ పాటను తన కొడుకు మీద విడియో కట్ చేసి వదలడం అంటే కచ్చితంగా సినిమాకు మరింత క్రేజ్ తెచ్చే విషయమే.