చైతన్య ‘మజ్ఞు’

నాన్నల పాటలు, నాన్నల టైటిళ్లు, ఇవే ఆలంబన ఈ తరం నటనా వారసులకు. అందుకే కావచ్చు..నాగ్ చైతన్య లేటెస్ట్ సినిమాకు మజ్ఞు టైటిల్ పరిశీలనలోకి వచ్చిందని వినికిడి. నాగార్జున తొలినాళ్లలో చేసిన సినిమా ఇది. నాగ్ కు నటనా పరంగా మంచి అప్లాజ్ వచ్చింది. ఈ టైటిల్ ను నాగ చైతన్య సినిమాకు పెట్టాలని చూస్తున్నారట. 

మళయాల సినిమా ప్రేమమ్ ఆధారంగా చందుమొండేటి డైరక్షన్లో తీయబోయే సినిమాకు ఈ టైటిల్ అయితే బాగుంటుంది అను ఆలోచిస్తున్నారట. ప్రేమమ్ సినిమా ముగ్గరు హీరొయిన్లు, ఓ హీరో  మీద నడుస్తుంది. మనిషి జీవితంలోని మూడు స్టేజ్ లు, ముగ్గురు హీరోయినలు ఇలా..అన్నామాట. అందువల్ల ఈ మూడు ప్రేమకథలకు ఒక్కటైటిల్ గా  మజ్ఞు బాగుంటుంది అనుకుంటున్నారట. 

ఇప్పటికే ఈ సినిమా కోసం అనుపమ పరమేశ్వరన్ ను ఎంపిక చేసారు. మరో హీరోయిన్ గా లోఫర్ సినిమా హీరోయిన్ ను ఓకె చేసారు. మూడో అమ్మాయిగా ఎవరు అన్నదే వేట సాగుతోంది. చాలా టాప్ హీరోయిన్ల పేర్లు వినిపిస్తున్నాయి. శృతి హాసన్ దాదాపు ఫైనల్ అయింది.