Epaper
గతంలో నాని హీరోగా మజ్ఞు సినిమా తీసారు నిర్మాత జెమిని కిరణ్. విరించి వర్మ దర్శకుడు. మళ్లీ అదే దర్శకుడితో సినిమా చేయాలనుకున్నారు. ప్రాజెక్టు ప్రకటించారు. కానీ ఇప్పుడు మళ్లీ ఆలోచన మార్చుకుని, అదే డైరక్టర్ తో కాకుండా, అదే హీరోతో ప్రాజెక్టు ప్లాన్ చేస్తున్నారు.
మజ్ఞు హిట్ తరువాత విరించి వర్మ డైరక్షన్ లో కళ్యాణ్ రామ్ హీరోగా ప్రాజెక్టు ప్రకటించారు. కానీ విరించి వర్మ స్క్రిప్ట్ రెడీ కాలేదు. ఇలాంటి టైమ్ లో కళ్యాణ్ రామ్ కూడా తన ప్రాజెక్టుల విషయంలో ఆచి తూచి నిర్ణయాలు తీసుకుంటున్నారు. సరిగ్గా అదే టైమ్ లో నానితో సినిమా అన్నది తెరపైకి వచ్చినట్లు తెలుస్తోంది.
అలా మొత్తంమీద జెమిని కిరణ్ ఇప్పుడు విరించి వర్మను-కళ్యాణ్ రామ్ ను వదిలి నాని ప్రాజెక్టు మీదకు షిప్ట్ అయ్యారు. మరో కొత్త నిర్మాత విరించివర్మ-కళ్యాణ్ రామ్ ప్రాజెక్టులోకి వచ్చి చేరారు. ప్రస్తుతం గుహన్ దరకత్వంలో కళ్యాణ్ రామ్ చేస్తున్న సినిమా తరువాత ఈ ప్రాజెక్టు వుంటుంది. అయితే ఒకవేళ నాగ్ కనుక పవన్ సాధినేని డైరక్షన్ లో కళ్యాణ్ రామ్ చేసే మల్టీ స్టారర్ కు డేట్ లు ఇస్తే, ఆ ప్రాజెక్టు ముందుగా వుంటుంది.