ఈ మెగా హీరోకి అంత సీనుందా?

చిరంజీవి మేనల్లుడు సాయి ధరమ్‌ తేజ్‌ పెద్ద హీరో అవుతాడని మెగా కుటుంబ సభ్యులతో పాటు సినీ పరిశ్రమ ప్రముఖులు కూడా చెబుతున్నారు. ఇంకా మొదటి సినిమా విడుదల కాని సాయిని ట్రెయిలర్స్‌, పోస్టర్స్‌లో చూస్తే చాలా యావరేజ్‌గా ఉన్నాడని అనిపిస్తుంది. డాన్సులు బాగా చేస్తాడనే పాయింట్‌ ఒక్కటీ అతడిని స్టార్‌ని చేస్తుందని చెప్పలేం. 

అయితే సాయి చాలా పెద్ద స్టార్‌ అవుతాడని దిల్‌ రాజు బల్ల గుద్ది చెప్తున్నాడు. అందుకే అతని సినిమా ఒక్కటి కూడా విడుదల కాకుండానే మరో సినిమా కూడా నిర్మిస్తున్నట్టు తెలిపాడు. హరీష్‌ శంకర్‌ డైరెక్షన్‌లో సాయి ధరమ్‌ తేజ్‌ నటించే చిత్రాన్ని దిల్‌ రాజే నిర్మిస్తున్నాడు. మరి నిజంగా సాయికి అంత సీనుందా? 

Video: Pilla Nuvvu Leni Jeevitham Theatrical Trailer

ఇప్పటికే క్రౌడ్‌ ఎక్కువైన మెగా ఫ్యామిలీలో త్వరలో రాబోతున్న వరుణ్‌ తేజ్‌పై ఫాన్స్‌ ఆసక్తి చూపిస్తున్నారు. సాయి ధరమ్‌ తేజ్‌ వరకు ఫాన్స్‌ నుంచి పెద్దగా సపోర్ట్‌ దక్కించుకోకపోవచ్చు. తన సినిమాలతోనే అతను అభిమానుల్ని మెప్పించి.. అల్లు అర్జున్‌లా అంచెలంచెలుగా ఎదగాలి. ఈ ప్రాసెస్‌లో సాయి ధరమ్‌ తేజ్‌ ఎంతవరకు సక్సెస్‌ అవుతాడనేది చూడాలి.