ఓటీటీ వద్దు.. సినిమా చేద్దాం.. హీరోయిన్ కవరింగ్

అసలే కెరీర్ అంతంతమాత్రంగా ఉంది. ఇలాంటి టైమ్ లో ఏ హీరోయిన్ అయినా వచ్చిన అవకాశాల్ని ఒడిసి పట్టుకుంటుంది. పనిలోపనిగా ఓటీటీలోకి కూడా ఎంట్రీ ఇస్తుంది. కానీ ఇక్కడో హీరోయిన్ మాత్రం తెలివితేటలు చూపిస్తోంది. 

తన దగ్గరకు ఓటీటీ ఆఫర్లతో వచ్చే మేకర్స్ ను మభ్య పెడుతోంది, సినిమా చేద్దామని ఊరిస్తోంది. ఈ మధ్య ఓ మేకర్ వెబ్ సిరీస్ ఐడియాతో ఈ హీరోయిన్ ను సంప్రదించాడు. ఫిమేల్ ఓరియంటెడ్ సబ్జెక్ట్. 

ఈ ముద్దుగుమ్మకు కథ బాగా నచ్చింది. కానీ ఓటీటీకి చేయడానికి ఆమెకు ఇష్టం లేదు. అలా అని కథను వదులుకోవడానికి కూడా ఇష్టపడలేదు. దీంతో నెల రోజుల పాటు తిప్పించి.. ఆ వెబ్ సిరీస్ ను సినిమాగా చేద్దామని ప్రపోజల్ పెట్టింది.

సినిమాకు కావాల్సిన హంగులు, ఎలిమెంట్స్ అన్నీ ఆ కథలో ఉన్నాయని.. వెబ్ సిరీస్ ను రెండున్నర గంటల సినిమాగా మార్చి చేద్దామంటే వెంటనే కాల్షీట్లు ఇస్తానని ఊరించింది. అయితే రెమ్యూనరేషన్ మాత్రం తగ్గించనని, తనకు 75 లక్షలు ఇవ్వాలని కండిషన్ పెట్టింది.

కానీ వాస్తవం ఏంటంటే.. ఆ కథ సినిమాగా పనికిరాదు. బి, సి సెంటర్లలో అస్సలు ఆడే స్టఫ్ కాదు. ఇవన్నీ ఆలోచించే వెబ్ సిరీస్ వైపు మొగ్గుచూపారు. కానీ ఈ హీరోయిన్ కు మాత్రం వెబ్ లో చేయడం ఇష్టం లేదు. అందుకే ఇలా సినిమా చేద్దామంటూ కలరింగ్ ఇస్తోంది. 

అదేదో చేయనని డైరక్ట్ గా చెప్పేస్తే సరిపోతుంది కదా.. ఇలా తిప్పించుకోవడం ఎందుకు? తనే చేస్తానని ఊరించడం ఎందుకు?