హీరో-డైరక్టర్ చిర్రుబుర్రు!

సినిమా అన్నాక కొన్ని నెలల పాటు కో లివింగ్ లా వుంటుంది యూనిట్ అంతటికీ. అందువల్ల చిన్న చిన్న చిర్రుబుర్రులు వస్తూనే వుంటాయి. డిఫరెన్స్ ఆఫ్ ఒపీనియన్స్ వుండనే వుంటాయి. 

నిర్మాణంలో వున్న ఓ సినిమా కు సంబంధించి హీరో-దర్శకుల మధ్య ఇలాంటి డిఫరెన్స్ ఆఫ్ ఒపీనియన్ కారణంగా ఈ మధ్యనే చిన్నగా కిందా మీదా పడ్డారని తెలుస్తోంది. నిర్మాణంలో వున్న ఓ సినిమా కోసం ఐటమ్ సాంగ్ ప్లాన్ చేసారు.

దర్శకుడు అసలు ఐటమ్ సాంగ్ వుండాలా? వద్దా? అన్నది క్లారిటీగా తేల్చుకోలేకపోతున్నారని బోగట్టా. వుండాలని ఓసారి, కాదని ఓసారి ఇలా మాట్లాడుతున్నారని తెలుస్తోంది. 

పాట చిత్రీకరణ మీద కూడా ఈ తడబాటు ప్రభావం చూపించినట్లుంది. దాంతో హీరో కాస్త చికాకు పడినట్లు తెలుస్తోంది. దాంతో సరే, పాట వద్దు అని పక్కన పెట్టారు. కానీ తరువాత కాదు, వుంటేనే బెటర్ అని యాడ్ చేస్తున్నారు.

ఇలా డైరక్టర్-హీరో చిర్రుబుర్రులాడుకున్న సంగతి ఇండస్ట్రీలో చక్కర్లు కొట్టడం ప్రారంభమైంది. అయినా ఈ మధ్య చాలా సినిమాలకు విడుదల దగ్గరకు వచ్చేసరికి హీరో-డైరక్టర్ల మధ్య పొసగకపోవడం అన్నది కామన్ అయిపోయింది. 

రవితేజ సినిమాలకు ఇలాగే ప్రతి సారీ వినిపిస్తూ వుంటుంది. రామబాణం సినిమా కూడా గోపీచంద్-శ్రీవాస్ ల నడుమ ఇలాంటివి జరిగాయని వార్తలు వున్నాయి. అందువల్ల ఇక ఏ సినిమాకు ఇలా జరిగినా టేకిట్ ఈజీ అని లైట్ తీసుకోవాల్సిందేనేమో?