Epaper
సర్దార్ గబ్బర్ సింగ్ అడియో ఫంక్షన్ మూడు రోజుల్లో వుండగానే, ఈ రోజు ఓ పాట, ఓ టీజర్ విడుదల చేయడానికి రంగం సిద్దమయింది. ఇదే రోజు కొంత గ్యాప్ లో హిందీ పాట, హిందీ టీజర్ విడుదల చేస్తారు. ఇదే రీతిగా వరుసగా మరో రెండు రోజుల్లో మరో రెండు పాటలు విడుదల చేస్తారని కూడా వినిపిస్తోంది. కానీ అది ఇంకా కన్ఫర్మ్ కాదు. అడియో ఫంక్షన్ ఎదుర పెట్టుకుని, ఇలా పాటలు విడుదల చేయడం వెనుక యూనిట్ స్ట్రాటజీ ఏమిటన్నది వారికే తెలియాలి.
అయితే అన్ని విధాలా అభిమానులను అలరించే రెండు నిమషాల ట్రయిలర్ రెడీ అయిందని, అదే అడియో ఫంక్షన్ కు పెద్ద అట్రాక్షన్ అని తెలుస్తోంది. ముఖ్యంగా పవన్ పంచ్ డైలాగులు ఆ ట్రయిలర్ లో వుంటాయని అంటున్నారు. సర్దార్ గబ్బర్ సింగ్ పబ్లిసిటీకి అట్టే టైమ్ కేటాయించలేదు. విడుదలకు వారం ముందు వరకు ఇంకా పనులు బాకీ వున్నాయి.
బాకీ వున్న మూడు పాటల్లో ఒకటి, హీరో ఇంట్రడక్షన్ సాంగ్ ఇక్కడే ఫినిష్ అయిపోతోంది. దానికి సంబంధించి కొన్ని బిట్ షాట్ లు ప్రస్తుతం చిత్రీకరిస్తున్నారు. మిగిలిన రెండు 21 నుంచి ప్రారంభించి, ఆరు రోజుల్లో ఫినిష్ చేస్తారు. పవన్ డబ్బింగ్ వుంది. అది మరి పాటలు అయ్యాక ఫినిష్ చేస్తారో, ఈలోగా ఓ డే అండ్ నైట్ పని చేసి ఫినిష్ చేస్తారో ఇంకా తెలియదు.
సో పబ్లిసిటీకి, ప్రెస్ మీట్లకు, చానెళ్ల ఇంటర్వూలకు అట్టే సమయం లేనట్లే. బహుశా పెద్ద హీరోలు అందరూ చేస్తున్నట్లే, ఏంకర్లనే జర్నలిస్టులుగా పెట్టుకుని, ఓ స్టూడియో ఇంటర్వూ తయారు చేసి, దానిని తమకు నచ్చినట్లు ఎడిట్ చేసి విడుదల చేసే అవకాశం వుంది. దానిని మీడియా ఎలాగూ..అదే మహా ప్రసాదం అని స్వీకరిస్తుంది. సో ఈ లోగా మరింత హైప్ కోసం ఇలాంటి విడుదలలు ప్లాన్ చేసినట్లు తెలుస్తోంది.