జయలలితగా రకుల్ ప్రీత్ సింగ్?

తమిళ సూపర్ స్టార్ సూర్య లేటెస్ట్ సినిమా ఎన్ జికె. ఈ సినిమాకు పొలిటికల్ టచ్ వుంటుందని ఇప్పటికే వార్తలు వినవచ్చాయి. అయితే ఈ సినిమా తమిళనాడు ఒకప్పటి ముఖ్యమంత్రి ఎమ్ జిఆర్ కథను బేస్ చేసుకుని చేస్తున్న సినిమా అంటూ చెన్నయ్ వర్గాల్లో గుసగుసలు వినిపిస్తున్నాయి. ఎమ్ జిఆర్ అని స్ఫురించేలా ఎన్ జికె అని టైటిల్ పెట్టారని, ఈ సినిమాలో సూర్య భార్యగా సాయిపల్లవి కనిపిస్తుందని తెలుస్తోంది. అంటే ఎమ్ జిఆర్ భార్యగా అన్నమాట.

ఎమ్ జిఆర్ సక్సెసర్ గా, ఆయన సన్నిహిత శిష్యురాలైన జయలలితగా రకుల్ ప్రీత్ సింగ్ కనిపిస్తుందని తెలుస్తోంది. కథకు ఎమ్ జిఆర్ జీవిత కథ స్ఫూర్తి మాత్రమే అని, బయోపిక్ మాదిరిగా కాదు అని వినిపిస్తోంది. ఇప్పటి నుంచి ఇలా బయటకు వస్తే, రాజకీయంగా సమస్యలు వస్తాయని చెప్పడం లేదని తెలుస్తోంది.

ఇదిలావుంటే ఈ సంగతి తెలిసిన తరువాత తెలుగులోకి డబ్బింగ్ రైట్స్ కొనడానికి మన జనాలు ఆలోచిస్తున్నారు. తమిళ రాజకీయాలు, తమిళ వాసన సినిమాలో ఫుల్ గా వుంటుందని, అలాంటి సినిమా మన వాళ్లకు ఎక్కదని, టాక్ వినిపిస్తోంది. అందుకే డబ్బింగ్ సినిమాలు కొనే జనాలు కాస్త ముందూ వెనుక ఆడుతున్నట్లు బోగట్టా.