Epaper
ఆ మధ్య వచ్చిన ఊపిరి, ఖాకీ సినిమాలు తమిళ హీరో కార్తీకి మళ్లీ ఆదరణ తెచ్చాయి. కంటెంట్ వున్న సినిమాలు వుంటే కార్తీ సినిమాలకు ఆదరణ వుంటుందని నిరూపించాయి.
కార్తీ స్టయిల్ నటన అంటే తెలుగు ప్రేక్షకులకు కాస్త అభిమానం వుంది కూడా. అందుకే కావచ్చు, కార్తీ హీరోగా, అతని సోదరుడు సూర్య నిర్మిస్తున్న చినబాబు సినిమాను కాస్త భారీగా విడుదల చేయడానికి సన్నాహాలు చేస్తున్నారు.
జయజానకీ నాయక వంటి భారీ సినిమాని అందించిన మిరియాల రవీందర్ రెడ్డి చినబాబు సినిమాను తెలుగులోకి అందిస్తున్నారు. ఈ సినిమాకు జూలై 13విడుదల డేట్ గా ఫిక్స్ చేసారు.
అఖిల్ తొలి హీరోయిన్ శ్రేయాషా, సత్యరాజ్ తదితరులు కీలకపాత్రలు పోషించిన చినబాబు, రైతులు, రైతు సమస్యల నేఫథ్యంలో సాగే అందమైన ప్రేమకథగా వుంటుంది.
జూలైలో ఇప్పటికే సాయిధరమ్ తేజ ‘తేజ్ ఐ లవ్ యూ’, షెడ్యూలు చేసారు. అది తొలివారంలో, ఇది మలివారంలో విడుదలవుతాయి. ఆ తరువాత మార్కెట్ లో సరైన తెలుగు సినిమాలు వచ్చేది కనిపించడం లేదు. అందువల్ల ఏమాత్రం బాగున్నా చినబాబుతో కార్తీ మళ్లీ మరో హిట్ కొట్టే అవకాశం వుంది.