Epaper
నిఖిల్ కెరీర్ లో మంచి హిట్ కార్తికేయ. దీనికి సీక్వెల్ చేయాలని నిఖిల్-డైరక్టర్ చందుల సంకల్పం. అయితే దీనికి కాస్త భారీ బడ్జెట్ కావాలి. నిఖిల్ మార్కెట్, చందు మార్కెట్ దృష్టిలో పెట్టుకుని, ఆ రేంజ్ పెట్టుబడి పెట్టడానికి నిర్మాత కావాలి. దిల్ రాజు బ్యానర్ వర్కవుట్ అవుతుందేమో అనుకున్నారు. కానీ కాలేదు. మైత్రీ మూవీస్ లో ట్రయ్ చేద్దామని చందు అనుకుంటే, వాళ్లు నిఖిల్ కాదు, మరెవరైనా హీరో అన్నారు.
ఇలాంటి టైమ్ లో ఓ నిర్మాత దొరికారు. నైజాం థియేటర్లు మొత్తం తన కంట్రోల్ లో వుంచుకున్న ఏసియన్ సునీల్ ఇప్పుడు నిర్మాణ రంగంలోకి వస్తున్నారు. కాస్త గట్టిగానే సిన్మాలు ప్లాన్ చేస్తున్నారు. వాటిల్లో నాని-శేఖర్ కమ్ముల సినిమా ఒకటి. అయితే ఇది కాస్త టైమ్ పడుతుంది.
ఈలోగా నిఖిల్-చందు మొండేటిలతో ఓ సినిమా చేయాలని డిసైడ్ అయ్యారట. దానికి గాను కార్తికేయ-2 సబ్జెక్ట్ ను ఓకే చేసినట్లు తెలుస్తోంది. చందు సవ్యసాచి, నిఖిల్ ముద్ర సినిమాల తరువాత ఈ సినిమా వుంటుంది. అది కూడా ఆ సినిమాల ఫలితాన్ని బట్టి కూడా కావచ్చు.