Epaper
దశాబ్ధాల గ్యాప్ తరువాత దర్శకుడు రామ్ గోపాల్ వర్మ, హీరో నాగార్జున కాంబినేషన్ లో ఓ మాఫియా బ్యాక్ డ్రాప్ యాక్షన్ మూవీ ముస్తాబవుతున్న సంగతి తెలిసిందే. ఆర్జీవీ స్టయిల్ వేరు. సినిమాను చాలా సైలెంట్ గా ఫినిష్ చేసేస్తాడు. అది కూడా వేగంగా. ఇప్పుడు ఈ సినిమాను కూడా అలాగే మూడు వంతులకు పైగా ముంబాయిలో చకచకా కానిచ్చేస్తున్నాడు. అంతే కాదు, ఈ సినిమా టైటిల్ ను, విడుదల డేట్ ను రేపే ప్రకటించేస్తానంటూ అనౌన్స్ మెంట్ కూడా ఇచ్చేసాడు.
శివ తరువాత ఆ రేంజ్ సినిమా అని, శివ-2 అని నాగ్, ఆర్జీవీ అభిమానులు భావిస్తున్న ఈ సినిమా టైటిల్ ఏమిటన్నది రేపు తెలుస్తుంది.
వివాదాస్పద దర్శకుడు రామ్ గోపాల్ వర్మ ప్రస్తుతం నాగార్జున హీరోగా ఓ యాక్షన్ థ్రిల్లర్‌ను తెరకెక్కిస్తున్న సంగతి తెలిసిందే. ఇప్పటికే మేజర్‌ పార్ట్‌ షూటింగ్ పూర్తి చేసుకున్న ఈ సినిమా ప్రస్తుతం క్లైమాక్స్‌ చిత్రీకరణ జరపుకుంటోంది. త్వరలో రిలీజ్‌కు రెడీ అవుతున్న ఈసినిమా టైటిల్, ఫస్ట్‌లుక్‌ పోస్టర్‌ రిలీజ్‌ డేట్‌ను చిత్ర నిర్మాతలు అధికారికంగా ప్రకటించారు.
కానీ ఇక్కడ సమస్య ఏమిటంటే, మే మూడో వారానికి ఎలాగైనా నాగ చైతన్య సవ్వసాచిని విడుదల చేయాలని అనుకుంటున్నారు. ఇప్పుడు ఆర్జీవీ మే ఫస్ట్ వీక్ లేదా సెకెండ్ వీక్ అంటే ఫరవాలేదు. అలా కాకుండా థర్డ్ వీక్ అంటే సమస్యే. అప్పుడు చైతన్య సినిమాను సంగతి ఆలోచించుకోవాల్సి వుంటుంది.
రామ్ గోపాల్ వర్మ సొంత నిర్మాణ సంస్థ కంపెనీ ప్రొడక్షన్‌ బ్యానర్‌ లో తయారవుతున్న ఈ సినిమాలో నాగార్జున పోలీస్‌ ఆఫీసర్‌గా నటిస్తున్నారు. ఈ సినిమాలో మైరా సరీన్‌ కీలక పాత్రలో నటిస్తోంది.