Epaper
నాగచైతన్య నటిస్తున్న సవ్యసాచి సినిమా షూటింగ్ దాదాపు పూర్తయింది. చందు మొండేటి దర్శకత్వంలో తెరకెక్కుతున్న ఈ సినిమాకు సంబంధించి, ఉగాది నుంచి అఫీషియల్ గా ప్రచారం ప్రారంభించాలని నిర్ణయించారు. ఆ రోజున (మార్చి 18) సవ్యసాచి ఫస్ట్ లుక్ పోస్టర్ ను విడుదల చేయాలనుకుంటున్నారు.
ఇక మార్చి 25న టీజర్ ను రిలీజ్ చేసి, ఆ టీజర్ ను మార్చి 30న రిలీజ్ అవుతున్న రామ్ చరణ్ రంగస్థలం సినిమాతో అన్ని థియేటర్లకు ఎటాచ్ చేయాలని ఫిక్స్ అయ్యారు. ఇక సవ్యసాచి మూవీని మే 24న థియేటర్లలోకి తీసుకురావాలని అనుకుంటున్నారు.
ప్రస్తుతానికైతే సవ్యసాచి ప్రమోషన్ కు సంబంధించి ప్లానింగ్ ఇది. షెడ్యూల్ లో ఊహించని మార్పులు జరిగితే తప్ప.. దాదాపు ఇవే డేట్స్ తో ముందుకెళ్లాలని నిర్ణయించారు. మైత్రీ మూవీ మేకర్స్ బ్యానర్ పై తెరకెక్కుతున్న ఈ సినిమాతో నిధి అగర్వాల్ టాలీవుడ్ కు పరిచయమౌతోంది.
డిఫరెంట్ కాన్సెప్ట్ తో సవ్యసాచి సినిమా వస్తున్న విషయం తెలిసిందే. ఇందులో హీరో ఎడమ చేయి అతడి మాట వినదు. అది చేసే క్రైమ్ తో హీరో ఎలా బుక్ అవుతాడు, అసలు ఎడమ చేయి ఎవరు అనేది ఈ సినిమా స్టోరీ. చాన్నాళ్ల తర్వాత తెలుగులో మాధవన్ నటిస్తున్న సినిమా ఇది. ఈ సినిమాకి కీరవాణి సంగీత దర్శకుడు.